Skin A200(第二次測試)

和對上hk100頭50k測試之間都跑了幾次平路,運動場,青山公路,都不過廿k,昨天終於又跑了一次長途,走雙坳,就是北潭坳到荃錦坳.

剛好有泠空氣來港,天氣轉涼,天陰加起風,再加點雨,半程前對鞋還是不是太濕,之後有幾陣大雨,都濕透了,還好上大帽山没有橫風橫雨,夏天有雨上大帽常有紅雨的感覺呀,幸好今次不大風.最大雨時應該在第四段,上到馬鞍山時最大雨,過了茅坪後才好轉,除了大金鐘那小段其餘都不是跑山脊,感覺還可以.

A200濕了還是没有磨損情況,中途大肶有些酸時,拉緊一些,過一排就好了.今次真是比賽模式,加上天氣涼,少出汗,少飲水,停得少,約1小時20分已到水浪窩,3小時45分到沙田坳,4小時45分到大埔道,5小時25分到城門,6小時40分到鉛礦坳,7小時35分到白色波波,最後8小時到荃錦坳.

攰是必然的,但是没有抽筋,大肶也不是太酸軟,食個杯麵,休息一陣就已經可以如常行路,今日已經可以小跑.a200雖然着上身感覺拉力不強,但還是有的,而且感覺舒適,減少磨損,對長途操山還是有幫助的.

比賽號碼帶

曾幾何時我想買條比賽號碼帶,但想不到一條看似平平無奇的一條帶最平由六七十元起,還未計運費,貴的幾百元都有,條帶有彈性,像我買的彈性雙袋腰包,加幾個位可以扎幾條power gel,有兩個扣可以掛住號碼布,袋不到水.

如果件衫不是特別貴,扣在衫也無所謂,我之前着參賽送的背心都是這樣扣,着排汗衫後都有一排扣在短褲比賽,不過辛苦工作人員,要走位才可以看清號碼.

近期我帶電話比賽做Logger,當然只限短途,過10個鐘應該會無電.用防水電話套防汗水,防水電話套多數都有條繩,正常是作斜揹用,但我是套在腰,索緊,加兩個大會送的扣針就當號碼帶,自己着Tight褲加運動褲,電話就插在Tight褲同運動褲之間,不覺得拋,這樣跑過幾次都無事,包括兩次比賽,自己覺得又平又正又輕.

一部相機不夠影嗎?

除了跑山,天氣好的時候都會行山,見到靚景,當然想留住最美一刻,拍拍照,因此家中就有幾部相機.一部相機唔夠影嗎?有不只一部相機的人一定會答唔夠.

大機DSLR一部,可以換鏡頭,最廣有15mm(以135格式計),最遠去到450mm,可以大光圈,可以飛閃,為影靚人靚景而影,不過就是重.為影相而上山時帶,多數連腳架.

K200D,防水機身,加18-135mm防水鏡,毛毛雨都可以用,旅行必帶.

細無反,就是因為大機DSLR重,所以就買無反,一樣感光尺寸,一樣可以換鏡,又細,仲可以拍片,不過色水没有大機DSLR好,鏡頭選擇比較少,可以用返大機DSLR,但要手動對焦.一家出門又想輕身一點,又或者跟隊行長途時帶.

質素還可,當年3千就有kit set,CP值高,現在的NX1000也不貴,還有WIFI功能,三星鏡頭也平,二三千一支,還可以苛求什麼?

細DC,DC比無反更細,朋友眾會時,簡簡單單,就是影得夠快,又輕,有時出山要手腳並用,技術又無,力水又無,景是難得一見,但還是一身輕的好,帶DC可以單手伸出山崖就影,另一隻手還可以捉住塊石,無反反而易甩手.

當年算是突破的dc之一,EXR功能,高iso影像得到老婆的肯定,對她來說,比大機還好用.

防水DC,都是DC但有防水功能,有雨也不怕,但質素又比DC差一點,不過有影到總好過影不到.當然玩水的時候當然也是首選.

香港好像没有引入,TS20有25mm,5米防水,春天操山賻有雲海時必帶(特別是大嶼山),雖則質素比上面三部差,但輕,防水,超廣角,只此一家.

Skin A200

A200出左好耐不是什麼新鮮玩意,只是我之前都是着2XU同NB的tight褲,買A200的原因只是為了夾單夠數,主要是買A400半截tight,兩條又太多(都是錢作怪),但又唔想買短tight,好似短過頭,對四頭肌幫助不大.最後就決定冇咁大壓力的A200,打算輕鬆跑時着,路線要長不用快.

昨日就去了跑香港100的頭50,本來想跟人跑,但攪手後來改做黃石開始,8點半西貢集合,我估起步都9點半,跑50k用8個鐘都開始入黑,我對行夜山係可免則免,所以就放棄跟他們自己一個上路.如我所料過了鹹田士多一上小山丘就行錯路,去了人家的後花園,行少了一個沙灘,只好繼續向大浪坳行.最後7個半鐘就到水浪窩.

A200好好着,我平時都不用花士擰,但會用沙布減少磨擦,着NB一定要用,2XU平路/短線不用,但長途不能少,着A200好啱身,全程冇磨,有上有落有跑有跳都無事.我條腰有條疤痕,少少凸出,着NB長途會磨到損,但A200唔會.原本已經預A200壓力少,着上身時覺得像已用了一年的2XU,但都有少許幫助,如用快步頻跑法,平路作用不大,上斜才感到有拉力.

可能因為天氣涼爽(上西灣山好似有冷氣吹住上山,對比上星期KOTH,真是一個天堂一個地獄),加上減慢跑(因為耐無跑50K長途,前大半程都比較慢,怕撞牆),還有在深涌食豬骨粥休了10分鐘,所以這次好像不太可以做標準,只可以話第一印象十分良好.

家中還有一條A400半截tight,如果A200可以頂得住全馬,A400可能要過了渣打才開封－為了大嶼山100.

淘寶彈性雙拉鍊腰包

我之前都有留意臂包,不過一值到找不到好用的,一來我手臂幼,二來現在的電話又大又扁,要找個夾尺寸的又唔平,這個腰包有彈性,只要電話不是太大都可以袋得貼身唔會拋.我之前在淘寶買的腰包收到了,就是之前說的細細有彈性雙拉鍊那個.

試過跑運動場幾k,有快有慢都唔拋,貼身但又唔會太緊,4寸以下電話都應該夠位,試過Sony Xperia P都袋到,4寸以上開始會難拉埋拉鍊,拉拉鍊,時要留心條拉鍊會弄花機面.個扣感覺唔算差,扣埋時有啪一聲,算硬,易對位,單手開亦容易順手.腰帶都是有彈性的,約1mm厚,希望不會短時間內失去彈力.

我的GPS Logger

現在差不多人人都有一部智能電話隨身,部部電話都有GPS 功能,那麼為什麼還有人買GPS 呢?
總有人喜歡簡單就是好,電話就只要通話功能就好,我都是用智能電話不久,有時都只帶舊電話出門.諾基亞電話雖冇話防水,但是紅雨上大帽山,放褲袋,即使成身濕曬,條褲扭得出水,電話仍然無事.而且電力持久,五日四夜平時只用響鬧鐘功能都仲有電,智能手機能夠捱到兩日一夜已經算好.

因為電話會冇電.電話開GPS後會更快無電,朋友話用飛行模式可以慳電些,不過就没有電話功能,如果没有電,電 話不能求救,GPS 又不能自救,一鑊熟.

因為電話太重太大.電話百幾g,但GPS輕至幾十g,GPS 錶都可以行8個鐘,輕身上路跑都跑快些,短途十K左右,計距離,不用帶電話,一隻GPS 錶就夠,有些還有陪跑功能,回家又可以分享成績,功能多多但輕多多.

因為電話唔防水.多數GPS有防水功能,落大雨都唔怕壞,我的GPS Logger試過同我一齊玩浮澗,環島,跑山,用了多年至今未壞.可以記錄40個鐘,行156都夠電(如果我有力行),可用SD卡,雖然只限2GB,但我用了幾年都不過百多MB,防水,可睇即時速度,平均速度等,夏天有雨或長途比賽用.短途就用手機.

Camelbak出没注意

 Camelbak是專門出水袋的品牌,台灣早已賣到成行成市,不過長途跑山活動不夠活躍,單車,行山,長跑等的發展卻是非常地快,不多覺台灣有像毅行的比賽,有些越野比賽,但路實在太好,如跑長跑,只可說是長途越野跑,感覺不夠'野',容易支援,設水站不難,不同香港,KOTH,大嶼山50要食自己的比賽,只靠大會的話,可是會有生命危險.

水袋在這種情況下顯得十分需要,山上幾K没有水站已經可以使没有帶水的參賽者投降,年頭玩大嶼山五十,第一次用camelbak背囊比賽,放風褸,水樽,頭燈電話鎖匙指南針等雜物,到水站,一支500ml加隻蕉放背囊,手攞一件三文治邊行邊食,兩隻手攞唔到那麼多.當然我見有火星人一支500ml水就跑,單車衫袋幾包Gel,背囊腰包的都是多餘.

平時操山時要帶更換/預寒衣物或風/雨褸,長途多數會放多個飽以防萬一,唔使跑的話會用水袋,如果帶相機會放腰包.近年少攻頂睇日出,如果旅行為求輕便又要走回頭路,背囊加腰包是不錯的配搭.

腰包只可帶輕量物品,一重就不好用,容量少難放物品,易拋.總重量過1kg已經不好,1.5kg已經是影響速度,毅行多站又可以有陪跑,飲水量不大的可用腰包.如果陪跑夠多,腰包都可免.樂善多水站,有朋友支援一下,有帶錢,天氣涼時水樽都可以不帶.如果天氣熱要多帶水的話,還是用背囊好,所以夏天九成都是用背囊.

 Camelbak的腰包同背囊有很多種,我比較喜歡下面兩種,覺得比較適合操山比賽用.背囊比單壺腰包不過重多百多g,比雙壼只重幾十g,裝1L水的話,背囊一定舒服好多.兩邊腰袋方便放Gel,電話,電筒/頭燈.我比賽時少用水袋,水樽打橫放進水袋位,放兩個500ml都可以,而且唔會拋,自己反手都可以攞到水樽.飲水量多可選LR,有3L水袋,即使夏天都夠用.

 

這個是2012版本Camelbak Octane LR,兩邊側袋比較大,我用的是2011年版.

 這個是2012版本的2012 Octane XCT,身形比2011年版闊,我幫人買了幾個,家中還有些貨.

 見到用家多數是外籍人士,KOTH,HK100都見過.