話說上上星期公司好忙,忙到放工食晚飯都差D冇得食,食店都早收工過我,成個星期都冇跑,到星期六朝早去睇個仔聖誕表演,係屋企附近,跑十幾分鐘就到,唔知係之前一夜唔夠瞓定一早食早餐未吸收,跑左十幾分鐘到表演塲地一停就覺唔對路,未做到反應已經不醒人事,個後腦撞左地球一下,中間全無知覺,醒左已經有人話叫左救護車人,我個頭出緊血唔好做任何動作,星期六日就係醫院過,驗左血照左X光,冇發現有咩原因,冇解,醫生只好放我走.
今個星期返幾日工,仲有得早放,我都怕死,呢幾日早瞓左,食夠瞓夠,一切好正路.紅日第一日要做公司事務,朝早攪一陣夜晚攪一陣,得閒睇下,中間有時間可以行下街.今日第二日紅日,老婆帶個仔去玩,我樂得耳根清靜,朝早又係攪公司野,下午得閒算好時間出去跑一轉,青衣荃灣青公到三聖,玩陣ingress,食個包,慢遊回青衣.去程2hr12min,回程2hr44min,無計中間玩ingress約10min.
下星期有超級CLS癲傻200,上年是180km,我行了約100已經不行了,今年狀態應該更差,希望天氣比較好,食下行下,頂夠100km.今年逆走,剛好過100km的cp又是上年近100km的cp,如果到元洲仔公園應該好夜,上年50km到西貢北潭涌之後就見唔到主跑團,被海放了.
2014年12月26日 星期五
2014年12月14日 星期日
為玩INGRESS可以去到幾盡?
這件事發生在前日,即是星期六,話說朝日一早八點左右電話就震,好奇睇下係咪同事搵我要攪公司野,估唔到係有人一早炸卜土,仲係烏蛟藤果堆,炸啦炸啦,返正我都阻唔到,幾個8LV以上一齊行,我加都唔夠佢地扣咁快,之後睇住佢地一路行一路炸,炸咁慢既,做MISSION?我怕佢地又去玩鬼手MISSION,SEND MESSAGE問佢地,佢地話唔係做MISSION,但會出鬼手.
心諗出得鬼手都唔會慢呱,可能只係慢慢炸用多時間,但朝早返完學睇炸到邊,唔對路喎,咁既進度,出返去大美督好夜喎,我仲係個指示板到加加加,果到收得唔好,佢炸唔得快,最後佢出大絶----放毒,一下子變曬係佢,覺得佢地都係係鬼手叫大飞走既多,之後我都冇多理.
夜晚十點,八下個電話有冇咩留言之類冇睇,手多睇下有咩卜土比人炸,一睇,嘩,仲行緊,睇佢地仲一路行一路炸,志氣可嘉,但身為對家,見到比人炸都應該做下野,不過作用不大,轉眼就白再轉眼就藍.
半夜十二點先到條霸仲要邊行邊炸,一個都冇漏,我見佢地咁慘,我都唔忍心今日就炸返佢地行左成日超過16小時既成果,轉左行麥4-8.
今日打呢編又去八下佢地既成果仲係唔係到,今日有TNF100,一堆人上馬頭峰,可能果邊會比人炸左幾個,點知一睇又見返JACKYTAM,佢好勁,個個山頭都有佢既腳,笑到我.仲有樣好開心既係鬼手個卜土移返埋岸,上次我改位原來仲差一個灣,不過已經好好多,最少見到佢CAP到,咁又可以做MISSION,又唔使自已炸咁耐,GOOOOOOD!
2014年12月13日 星期六
Optimus Terra Weekend He
年近歲晚又係敗家好時機,1111,1212,感恩節,黑色星期五,聖誕,新年,一個接一個的特價清貨,所以就買了下面的孤寒煮食工具:
摺得的爐頭
風擋比爐頭還重幾克
而且不可以摺埋,對加熱有幾大幫成疑,不過最後都是敗了
比平時的孤寒煲多了下面的集熱片,提升效能
未夠1L,真是個煮丁都要斷做兩份先放得下.
2014年12月7日 星期日
Ingress mission
近兩個星期都跑得少，閒日都沒有跑，今個星期四才跑了3k，之後就下雨，怕冷病就回家了。星期日不想一下子跑太多會傷腳，打算由30k左右開始，所以兩個星期就邊行邊玩ingress。有人介紹環湖摸手mission，但我星期六要返學，星期日又有事，只好露營分兩日玩。
到大埔時見到摸手mission，但要由烏蛟藤出發，所以要由大美走去烏蛟藤，行到都近4點，未行到跌死狗已入黑，最後係跌死狗扎營，雖有雨但微弱，要係營內開爐，煲水沖飯就算。
台灣輕快風比MH合我口味
今次水退可摸手
摸到但因為卜土位置不對，移到另一個位，但那個位又收唔到電話，最後都要放棄，一個悲劇。
回程繼續環湖出大美督，全程約35km，今次又濕又熱又付重，行得比次慢，加上要CAP鬼手攪了半個鐘，出到去已經過時失約。
到了今個星期，就去玩其他mission，記得見過有八仙嶺，所以又去大美督順便走轉攞KEY為了"佳地銀"。
有些線都已經一路行一路連，這個圖應該係行到C618時的情況
要的KEY都攞到了，但等HACK花了王少時間，回到大美督再食午餐已經兩點半，行到仙姑正式開始mission時已約三點半。八個峰不用很多時間，不用一個鐘，再去黃嶺"填色"，之後衝去鶴藪坐52B，還好有去站頭，還是要等到第二架才上到車。
上仙姑近山頂多了一堆木凳
八仙都有九尾草睇。
這個係填色後
2014年12月6日 星期六
貢嘎轉山5
除了第一晚好好瞓通頂之外,每晚都有各樣事情打擾,河邊水聲,大雪,狼,以為山上最後一晚可以瞓正常些,不幸地最後一晚有隻蠢馬整晚圍着我們的營團團轉,牠頸上的牛鈴噹噹響過不停,最後只睡了三四個鐘.
營地是谷位,早上太陽未照到,水面還結着冰
一路大多是下山,但上上落落少不免
意想不到會見到松鼠
多是林路,間中仍可見到雪山
大陸行山隊的路標
見到屋仔就知到分差位,一邊去貢嘠寺一邊去我們今晚的住宿,夠時間才可去貢嘠寺,有兩個團員行得比較慢,就暫時分隊
貢嘎雪山,貢嘎寺加隻小藏羚
看完拍過相感受過就行回頭路返小屋分差位
終於不用露營,話說下梅子村只有三家人,這家人跟我們響導老友,所以就選這家,我們也没所謂反正價錢不貴.
,女主人親自下廚
不是大魚大肉,但不用再食即食飯實在使人十分感動,男丁都食最少兩大碗飯.
一堆物資,下山就用不着,全都送給響導
訂閱：
文章 (Atom)