再閒遊嶼南

昨日走完三大,今日行短線鬆腳,約20km少上落,加加埋埋只上了約500m(三大上了約2500m).朝早坐11號入到石壁下車,先閒遊古石刻再凰八去狗嶺涌,中途又玩ingress,南界碑仍然hack唔到,因為收不到訊號(傷心),之後再去炮台,圓環石堆,看燈塔(今次hack到啦).

燈塔幾靚,天氣好的話可以看到水平線,夏天一定會再去,可惜那裡水源短缺,今日經過見到煎魚灣水池仍是没有水.沿途山澗亦没水流.分流士多今日有開,十蚊罐汽水,年初四没有加一算不錯了.多年前行過這路線,那次還遇到水退,可行到雞亦角(今日行不到),近二澳時還有隊員被蜂針,今日再遊,二澳已改到面目全非.

慢遊出二澳再回大澳.全程均速約2.7km/hr,漫遊狀態一路行一路跟朋友吹水影相.雖没有藍天白雲,但有些雲霧作背景,行到終點才下雨,運氣算不錯.過年期間好多人,等了40分鐘才可以上車.

初三遊三大

雄鷹三大算係行山界知名路線之一,當年人人一講就知,但事過景遷,人事全非,雄鷹旅行隊都已經消失了,當年一家參加了最後一界,大約十五/六年前,用時約九小時,路線跟今日比賽路線亦有不同,應該簡單一點,最少不用上大帽頂,四方停轉左落鉛礦坳作終點,完成可得一個雄鷹布章(想影張相但,自已都忘了放在那)

今日有三大比賽,比想像中多路標,只有一兩個位要留神一點,開始時路不算好走,上落一定有,雞公山同大羅天落山都浮沙跣腳,少玩山賽的話都幾辛苦,見有人未上大頭羊已經大肶抽筋,事後見個完成名單都近三份一人DNF,真慘情.

一路行一路想完成個三大Mission,可惜,大羅天主峰冇卜土,我用左副峰,但比賽路線唔經,我過左山頂向下行左陣先發現越來越遠,只好忍痛Abort,三大成功但Mission失敗,可惜.

上山路口明顯

上山不久便見雲霧

一路經過有三支標,一支只見卜土但不見其真身.

過了最高點後向左有明顯沙路,好跣

一路到底再向上

有個引水位有工作人員指示上山

直行可能可以到副峰,落山時見個卜土方向係後面,當時冇開Ingress(為了慳電,見標先開),失敗.

再跣落山

沿路田園景色不錯

村中穿插,中途有士多,幫襯一罐汽水,成為$5.5

開始上山

之後係漫長的樓梯

似係滑蜥

終於近個山腳

又要上

話時話,都好耐冇去影瀑布

以前萬德苑有汽水賣,今日問過,呀叔話冇賣好耐啦.

例牌大帽山大霧

開始時行了幾分鐘才開始記錄,全程約6hr15min

三大gpx下載