東頭頂

 今日四日連假第一日,原本想返大陸玩,近近地揾個古鎮影下相食下野,但係張回鄉証過左期,我又唔係開書局,咁返唔到大陸,又唔夠土豪買機票離開香港,不過都夠錢去買張船票去離島玩下.

好早出門,坐8點15分果班船,到蒲台島都係9點15分左右,即刻上東頭頂,中途換左條防水褲加腳套,未到11點已經到支票,係果到玩左一輪兩點幾返大路,去返大路景點影下相到此一遊過咁,四點半船返赤柱,六點仲有班返香港仔,但再返屋企就好夜啦.

來回票50元正,幾多年前去過蒲台呢,零印象,可能十年以上.

行前幾步轉左,左邊上東頭頂近尐

上,沿路都冇訊號

上一陣之後睇住個方向同小路

遠遠睇到大白板

中途換褲,要防水,雖然冇雨,但尐草都係濕

有指示去塊白板

好多呢尐花仔,同時好多蜜蜂,慢慢行過,蜜蜂唔會理人

到左之後白板後有明顯小路,轉幾轉就到支標

東頭頂支標

返轉頭行另一邊走

燈塔

第一日已經一堆垃圾,仲有兩三隻營,唉,冇腦冇公德.

隻掌最出名

石刻

25蚊好抵食

返到落去一個圈

下面果尐玩Ingress先睇:

樹總尐卜土好出名,應該兩家都知,挑戰樹總卜土都可能係玩Ingress既樂趣之一.東頭頂支標咁明都係因為之前有班CLS想KILL樹總,呀,唔係,係KILL標同CAP支標既卜土,個卜土就係樹總Sub既傑作.個卜土同支標差幾遠呢,直線計180m左右,要行多140m先CAP到,但係呢140m真係爆到呢.

到處可見有剌植物,眼見最少三種

去程行S,回程直線好多

紅圈係支標,右上角係最近卜土仲有75m既距離,一開始係揾最少障礙物路線,但冇乜用,避得一時避唔到一世.

中途遇到比樹/藤鈎腳,鈎到攰,坐低慢慢解

地圖見到有堆石,實際上堆石係崖位

再行出尐就可以唔使返轉頭

用GOOGLE EARTH開返個GPX睇

有II行蹤,唔知佢地邊到上岸行上來,有尐位地下有堀過痕跡,但唔多覺眼有羅漢松,可能真係被堀走曬

我去到呢個位仲有85m左右

入竹林最盡75m既位

其他位置,死心吧

最後有搬位,但係猩猩理唔理就唔知啦.

如果想去玩,一定要着長衫長褲,仲要防水料,最好有埋鞋套,冇就一定鈎鞋帶.到左密林位一定要Log gps,一路行一路睇住仲有冇電,返轉頭就靠個log.最好一班人去,安全尐,一個人去就定時報告行蹤,有尐位收唔到,上返高尐就得返.我用既log gps app,張地圖可以一早load定,同埋詳細尐.