大城Hea澗

耐冇玩水,上次玩左雙鹿,今次有人話想大城石澗,好丫,我都好耐冇行,順便去試新防水機TG-5.今次都係冇全走,全走大城應該灰穚入,但係開始果陣跟人行,行到去龍泉谷先入澗,仲好,可以多尐時間hea.

防水相機由好耐以前既笨仔,第二部係Panasonic,壞左兩年定三年,有時借個妹果部頂住先,今次終於買返部.質素進步左好多,功能又多左好多,微距果尐手機一定做唔到,個HDR都幾好,有A mode,有時都可以玩老散,又可以全焦距,好夠玩.今次玩澗全程用佢影,好滿意.

去龍泉谷入澗位 

算幾好水

好多位可以爬,落水過又得,側邊有山路行又得.

呢個潭玩左陣,個潭左邊好深.水好涼,好爽.

試微距,可以數腳毛,放上網,夠用有突.

 

游過對面爬上去,唔落可以行左邊,有小路.呢個潭又係好爽.

又係試微距,竹葉蘭

上到肥佬麥,玩左5個鐘,走人冇全走.去食下午茶XD.