洛克線5

最後一日,亦都係最煩既一日,要一早出到去稻城亞丁個景區入口,話尐馬唔可以咁遲走會趕唔到返屋企,又話要收入場費,佢地尐馬到左就放低行李,要我地揾人睇住,唔睇都得,冇人看守唔見左唔負責.原本諗住要人睇住可以叫騎馬果兩個囉,點知又話唔得,後面尐路要落馬,冇時間等返兩個人上馬,嘩,玩曬啦,點都要有人跟尐馬走出去,一係賻佢冇人偷,但係太煩啦,萬一有咩唔見左就口同鼻嗌,應該都捉唔返佢地嗌.

錢係朝早就要比埋佢地,唔係話尐馬幫做得差,但係下下都要我地就佢地,之前又冇講明在先,尾尾先講,咁多次返大陸徒步,感覺最伏既一次,真係魔鬼在細節.最後我同姑娘用左兩個鐘3個字走左7.3km出去,全程千以上,包影相,雖然唔使比賽mode,但係都冇得欣賞風景mode,影張就走,試下其他角度既時間都冇,明明最後一日都係比左全日錢,兩個幾鐘就要我走完(╯°Д°)╯ ┻━┻

朝早比其他人早出發,一上山就見到堆似山羊既東東,我地得兩個人所以唔係好驚我地.

慢慢行近都得

朝早尐冰都未溶

半個鐘左右尐馬就追到泥

88啦

尐馬行下路,我地行上路,可以睇多個湖,騎馬行下路,要之後自己行上去睇個湖

上面個湖其實又冇咩特別,我覺得蛇湖靚尐.

條路咁靚就知入左景區

之後就唔使咁趕,景區都係落既多,同埋夠時間比尐馬走.

開始遇到其他遊客,有尐問仲有幾耐到個湖,好想答佢地跑上去就好快到:P

之後就係到等其他隊友,尐馬就88啦.

又影多張,個雪山係靚既,但係收費都幾貴,仲有尐環保車,區間車,加加埋埋好似三百人仔左右.

我地行返出泥都係要比錢,有經過又比佢地捉到就要比,想唔比就要行返落去,自己揹返個60L背囊已經鬼咁重,行出去最少都40KM,快步都由朝行到黑,算啦,一日AL都唔只三百人仔,快尐比我洗下個人同瞓係張床好過.

返到酒店抽到間靚房,有露台,攞個營出泥曬返乾.