洛克線2

徒步第二日行程比較短,真係好短,得4.5KM左右,上四百,慢慢行都得,行咁短係因為尐馬伕唔係用GAS爐,佢地燒柴,再遠尐個地冇柴燒,再去就好遠,咁冇計啦,都就到,成團慢慢行都只係用左3.5個鐘,好在尐景多左變化,最少加左雪山,風景靚過第一日,可以慢慢影都好.到左營地就HEA,食午餐,開營曬太陽.N小姐行到謝謝地,帶隊預告左第三日幾甘,叫N小姐考慮下要唔要馬.

我地冇後備馬,中途要馬就貴尐,騎人又再貴尐,貴上加貴,不過有需要時都冇法,驕三日馬大約一張機票錢,好彩大陸機啫.點知夜晚又有事,又係同尐馬有關,就係有隻馬唔見左,平時尐馬放飯後會由得尐馬四圍行下散步,多數都唔會走太遠,唔見左就要馬伕四維揾,去徒步咁多次都見尐馬伕揾得返,點知今次揾到入黑,借埋頭燈比馬伕都揾唔到,聴到呆左=口=,不過都係第三日既事啦.

夜晚瞓覺得熱,估唔到朝早結霜

有雪山,個景即刻唔同曬

仲未溶

感覺好外國

尐馬一放低行李就咁

曬返乾個營先,雖然明知第二朝又會濕過

夜晚尐星呀,銀河呀,睇到後來都唔睇XD