去玩之前......

九月尾先好返隻腳,十月頭去跑圖騰,個時間好彩唔算太差,算啦,啱啱好返,操得幾次跟到前面果隊一半路,仲有力返到終點算收貨,我尐自我要求好低XD.隊長太有閒情,操到冇野玩,除非頂得住佢尐精神攻擊,一係頂得順比佢趕牛咁趕,唔係暫時都係唔好同佢玩隊際安全尐.

比完賽後就收拾行裝去四川徒步,首先要試下尐行裝先.團長之前話十月目的地可能有雪,可能零下十幾度,今次冇山屋住又要食自己(日本山屋萬歲),又有借口買架餐.又有排見MSR reactor有特價千五樓下就買左,不過放係屋企一角,直到就出發先攞出泥試用.

另外就係帶營,怕佢真係落大雪,諗住帶個大廳營,呢個就真係買左一段時間啦,但都放得好好,開出泥睇同新買果陣一樣,點知一試就出事.條骨太幼?定隻料太脆弱啦,一定唔係我大力啦,咁就斷鬼左,支骨都唔知點配好,殘念Orz.最後都係帶Fly Creek去,好彩冇雪.