坐左一日飛機加兩日車終於到起點,係領隊屋企瞓,夜晚見好多星,唔係太凍,瞓天枱有三面牆都夠暖,係煩在夜晚聽到老鼠走來走去尐聲攪到燥燥地,不過都瞓得足.
第二朝領隊叫人車埋我地去車路到既起點,行少幾km路,馬就後追啦.出發前領隊同團長(開團攪手),帶隊(帶路睇住我地行果個),馬夫(拖住馬行果個)約法三張講清講楚咩價唔好反口加價果尐,!@#$,點知都係中招,下次講價記住講埋先得以防萬一.
坐車到左起步位,等左陣就唔等馬同帶隊就起步,反正有團友有GPS LOG,跟LOG行就得.帶隊既作用都係以防萬一有咩意外同睇住行得慢既隊友,帶隊行得快,我地慢慢行,佢同尐馬都實追到.
沿途景色對比之前冇咩特別,一來"低地"二來都第三次四川徒步,有尐都睇到習慣左,都靚既,只係唔特別啫.天氣好,好到着短袖行,唔知因乜,比隻肥仔蜂針左下,突然痛一痛先知比佢針,手指彈走佢已經太遲,有個洞仔.
黃葉,小花,小穚,流水,幡旗,慢慢行,第一日上得比較多,N小姐已經落後,好彩有帶隊照顧,佢幫N小姐揹埋背囊,同埋等佢行.行程都唔係好長,不過全日都向上行既感覺就差左尐,大隊大部份時間都有等下後面,後來就唔等,速戰速決到營地好過.營地有個呀伯看住要收錢,原本$30,話特價$15,轉頭又同團長開返$30,亂鬼收錢,反正就冇人講得出公價,係咪真係有做野攪好營地都成問題,不過對比之後果尐營地都算少垃圾既,最後都係比左位位$30比個呀伯.
第一晚用煮飯袋煮飯,唔係好得,飯心都係硬硬地,開左罐罐頭牛腩送飯勉強食得落.瞓又係瞓得唔係咁好,條河好大水聲,醒多過瞓.個睡袋太強,半夜瞓到出汗,要開返曬尐拉鏈,伸返對腳出泥散熱.個針洞痛痛地攪到唔聚財又係一個瞓唔好既因素.
好大既松子
請過河
營地
沒有留言:
張貼留言