北果重傷(重口,十二禁)

話說八月頭去北果洲遊船河,泳綑下,影下相.

免費表演

影完大炮石就開始綑

過左兩三個灣,明明海面冇乜浪,近岸就湧上湧落.

上岸果陣踏中尐青口藤壺之類,GG啦.藤壺果尐頂唔順我咁重,斷鬼左,個人跌返落海,直落果陣岸邊親左隻腳一下,多左尐花紋同個洞Orz.

痛就唔係好痛,花紋得尐花可以不理,個洞先最煩.

叫朋友繼續玩,之後返轉頭接我就得.係果個灣位瞓左一粒鐘,花紋尐血有尐都乾左,但個洞就好似比水蛭吸咁,瞓係到流少尐,企係到流多尐,快又得慢又得,係唔停得-_-"||

風景唔錯,可惜唔想流到一腳血咁,只可以乖乖地瞓係地.

朋友返轉頭,咁又係時候返轉頭,又落返水游返去.

爬返上碼頭果邊.

見到架船又見返姑娘朋友,姑娘有架餐消毒包傷口,尐消毒藥水乸過海水多多聲.

下面重口

清完血個傷口成個藤壺口既樣,隻腳一野插落個藤壺到,就好似刨青瓜絲咁,尐肉多尐又或者大力尐可能可以成條咁刨出泥.

用左幾日普通膠布,轉左做隻咩人工皮之類既野,話快好1.5倍,個洞細左但就仲係唔埋口.

由個U字變一字

再由一字變O字,尐皮膚都比尐膠布攪到敏感.

成個月都未埋口,有日見到個洞有尐白色野,以為係濃,但抺唔走,摸真尐,硬既!撩下撩下,頂,成塊殼,唔怪得唔埋口.

攞左出泥之後過幾日就埋左口,但都仲要一個星期先行到樓梯,再一星期先跑到運動場😅