天寒地凍閒遊大東

原本星期五都想去大帽山,但天文友加天文台加HK100朋友/義工都話冇雪,即係得霜睇,加埋大帽一定多人,咁就即係唔使諗,到到差唔多,星期六晚安心瞓,第二朝再算.

今朝早見到朋友出左張C1201有冰條掛係個牌低,正!做完公司野,轉個頭就出去東涌上黃龍郊遊徑,未到個C1201已經見到冰條,反而到C1201時,牌低冇曬冰條,不過一路落山既山友都話山上面仲有大把冰,睇泥星期一都仲有.

上到去見尐草上面條冰條好似手指咁粗,上面食曬風,唔係有石屋頂住,我都影唔到咁耐,帶左手套隻手都仲係吹到赤.上大東既人唔多,甚至我覺得仲少過平時,講廣東話既得一半左右.

冰泥,唔係玻璃

尐草其實都係冰左上半身,下半身都係冇冰,所以個山頭都唔係好白

呢塊冰夠厚