尼泊爾EBC,Gorakshep(第七日)

目的地係Gorakshep高樂雪(個中文名名副其實),不過到左Gorakshep只係食午餐休一陣就出發去EBC,今次旅行幾個大佬之一,應該係最易打既大佬,辛苦的在後面.如果只計去EBC,除非遇上惡劣天氣同高反,慢遊模式下真係易過走轉船灣淡水湖郊遊徑.

行5km都冇就到

唔記得果朝食咩早餐,只記得食左等同冇食,最後又係加兩刀花生醬.

太陽出左,但係比個山遮左未照到,河面都仲係冰

太陽終於上到高過座山,暖好多.

好快就行到山屋

屋後面座山(啡色,唔係白色)就係Kala Patthar,另一個大佬

坐定定等大隊到,狗狗曬太陽唔理人,除非你比野食佢,果到仲有另一隻黑色狗,朝早會上Kala Patthar,下午會係EBC.

午餐,太乾,記得好似最後食唔曬.

之後就係打大佬,EBC沿途都好多人,多到好似芒草季上大東咁,路唔難行,有尐位小心滑冰碎石就得,由山屋到EBC唔使上好多.

單程3km多尐,來會差唔多要用四個鐘

有指示牌同好多人比你跟住,唔會行錯.

一路行都會見到條冰川

行下行下見到舊石寫住EBC,以為到左,其實EBC係條冰川到.

 

又再行落去,見到瑪尼堆同一堆人排隊影相.單人一張,再同帶隊又一張,雙人每部機一張,又再同帶隊每部機一張,再跟住三四個人每部機一張,又再同帶隊合照......,再全團每部機一張,又再同帶隊合照,每部機係指相機同手機(單人,雙人,幾個人,全團,再分有冇帶隊,再分手機同相機版,呢數計起泥都幾煩)......外國人算好皮四,等左咁耐都冇打我地.

另一個影相位,都係一堆人排

返歸

 

晚餐嚇死人,嚇到唔記得影自己食咩,只係影人地碗洫池地獄麵.

尼泊爾EBC,Lobuche(第六日)

全日行8km,上約600m,多數都係平原,一路行一路睇住河谷向雪山方向,路很闊,有幾個位有分差路,有兩個急進隊友行錯路上左個小山丘,嚇得帶隊大叫追上山.過左四千夜晚瞓得比較差,朝早起身會有尐頭痛,不過起步行順左就會冇事,所以我係高山覺得辛苦反而係瞓覺果陣多.

上午行5km,兩小時多尐就行到小休.

朝早起身個窗結霜

蔬菜三文治,都係要多兩"刀"花生醬

呢筒水放係山屋門口外面,山屋係冇水喉,我地係靠呢筒水過瀘做飲用水.

朝早已經冇水出到,因為入面都結左冰

上返昨日個山坳就見到大平原

又平又闊想行幾快都得

原本帶隊話可以係呢到午餐,但我地太早到,決定行遠尐先食.

小休,係到一邊曬太陽一邊食零食.

小休完要上一小段

終於大休可以食午餐,食飽再係附近行下睇下,今晚都係瞓呢到.

室內22度,室外9度

有寫含氧量同正常身體含氧量,4900M含氧量得水平5成多尐

又中招,冇汁冇菜,好彩仲有隻蛋.

食飽休一陣就上個山仔去睇冰川,可惜全球暖化下冰川尐冰冇左好多得尐沙石留低,變左做石礦場咁.冰川同石礦場都係比較難行,路比較難行會行得比較慢同埋要小心跣低.一隊人要跟貼尐,冇人帶會易迷路.

好多人上泥睇冰川,得閒就起個瑪尼堆

冰就冇,水氹就有好多.

石礦場咁樣

落山後仲有一個景點,不過隊友都有尐攰,最後得三個人去,景點係一個金字塔形既天文觀測站,可以入去參觀,但係入面唔比影相,入面會有工作人員介紹佢地工作環境,大約做咩之類.呢到有介紹

呢個分差位會介紹入面有個金字塔

個金字塔下面都有間山屋,但呢個位好鬼凍,好早就比個山影遮住,又唔多就腳,我覺得正常去EBC唔會住呢到.

山屋出面仲有幾隻四季營

只可以隔住度門影張相.

晚餐都係乾,不過尐餸多返尐.

影完條銀河就返去早尐瞓,明天終於到EBC.