尼泊爾EBC,Namche Bazaar (第十一日)

繼續落,直到返南崎巴扎.基本上已經行左一個圈,第十二日行回頭路返到Lukla,第十三日朝坐飛機回加德滿都,行街食食食,夜晚坐飛機返香港,第十四日上午返到屋企洗白白後可以大昏迷.加返開頭香港飛去加德滿都果日,頭尾加埋十五日.

早餐

女子組

見返分歧路口,一個大圈.呢個牌可以睇返第四日.

住返同一間房

午餐

熟悉既長樓梯

又見返堆屋仔

影返張四個去左既地方.

夜晚食排慶功,返到Lukla又慶功,返到加德滿都又慶功,返到香港又慶功,係咁食XD

2016/17 TTF荃打火

毅行後都冇行過長途,只有做下mission,跑下步,估唔使衝時間應該完成到115km,路都冇特別去試,比賽果陣同行問乜都答唔到,最簡單連下個cp係咩都答唔出,更唔使問仲有幾遠果尐.好彩大會真係超多指示,我一係跟人跑,一係就開gps睇下自己係係唔係條log到,多數時間都有人係附近,一慢左有人追上泥,我有時都會睇下有冇尾燈.自己都有一次睇錯路,不過後面果個叫住我,我都有次叫住人,個個參加者都互相幫助.

CP之間比較遠,有十幾km,CP先有得食,中間果尐站多數都只係嘟手帶,除左行完雞公之後果個有得加水.食物幾好,不過多數都係甜食,冇乜鹽份補充,有尐又好油,能量飲品個樣好可怕,個個站濃度不一,有尐站個樣超濃,如果我飲左應該會嘔,飲食要小心.

參加後都問過人,TTF頭50係跑步咁跑,但後50係行山急上急落.中途有參加者問我怕唔怕跑太快後面爆左,我答佢我唔係好理時間爆左就瞓覺囉,我要分啫,完成時間冇所謂,佢即刻收腳唔跟住一齊跑.跑左8個鐘過新一年,正好有50km不過都快唔過之前大嶼50個時間.

前面個靚女跑好快,我去到大欖前都久唔久見到佢,之後就比佢放甩,到後尾上鉛礦坳先又見返佢,之後我到終點冇耐佢都過終點.

開始都唔算塞人,要過人都好易有路過,但因為個個都知要力,所以多數都係死跟,我呢尐唔識路就更加唔會亂爬人頭.

轉幾轉就到大路,都仲係得個跟字,留唔留力唔使自己用腦,死跟就啱(尾行雖可恥但有用XD)

到農場有鮮奶飲,但怕中伏,所以都係冇飲到.

開跑後兩個鐘就入黑,大約係未到河背營地就已經要開燈.

除左鮮奶,燒鵝都係呢個比賽重點之一.

今年特色之一係比賽跨年,半夜十二點啱啱好跑左50KM(實際我隻錶個距離比正常短,自己加返1成先係真正距離),去到屯門果邊,仲見到放煙花.

半夜行公庵山果陣已經有尐謝,過左大棠上山後比個蠔殼山攪到謝曬,冇乜精神,上雞公時成日揾地方攤屍,雞公超大風,停又唔停得耐,快又快唔到,半死狀態下上到大刀刃,自己都頂自己唔順打自己幾把,再用水洗面,咩都唔理衝左先,到CP飲半杯咖啡休左陣先復活返.有返精神之後就好好多啦,過返幾個人,之前冇乜精神行果陣留左唔少力可以用,上山見人就過,不過之前比好多人過左,所以都係輸少就當贏.

大刀刃上上落落都幾磨滅意志

四方山之前有跟大會行過一次,所以唔覺上極都有.

草山之後就狂落,跑極都有得跑.

過左四方山落碗窰都落好耐,之前行過會好好多(心理上),之後草山就易啦,一年行咁多次.到左草山頂後仲要向下跑6,7KM,我跑到火碳想睇下同終點仲有幾遠,手機定緊位果陣比個同組別既過左,咁又輸多個名次,不過23個鐘完成到都已經好開心.

今年完賽獎品係隻杯,可惜隻杯又大又重又會撞爛,如果係隻鋁/鈦/不銹鋼杯就好啦,可以帶上山用.

話說我為左UTMF儲夠分而報TTF,可惜UTMF又改期,傳說改返做春天舉行.早知既話可以玩大嶼一百唔使咁辛苦嘛.玩100KM既話TTF未必係首選,但如果玩100Miles,UTMT應該係首選.下年為左UTMF可能要玩次UTMT,真係諗起都攰Orz.

尼泊爾EBC,Dole (第十日)

之前一日過Chola Pass,團友攰又唔想早起身,所以得三個人肯上Gokyo Ri.一早出發個人都呆呆下唔記得開Log,落山開返.行1.8km上6百米左右,Z字直上冇平路,朝早都係結曬霜,又凍又上斜,都幾精神攻擊,有個行得好快,一支箭上左去,一個就謝左,我就係中間,上左去果個就唔追啦,我睇住後面果個就唔比佢逃脫,等埋佢一齊上頂.

上到頂都係雪山同個湖最靚,Gokyo有幾個湖,有個話要上到Gokyo Ri先睇到,但上到頂望落去得個水坑,點都唔覺得靚.上到頂都出曬太陽,謝謝地果個又復活返,落山我最後,追死我.

慢慢落山落左成個鐘

間房隻窗都仲有霜

終於返到人間食早餐.

食飽就落,全程落,冇難度.

長期都係個谷位行手指位,望住對面座山.

係Machhermo午餐

到Dole

晚餐叫唔同食物齊齊分

傳說低地先好叫momo,會比較新鮮.