舊果個用左五年,拉鏈都用到斷左一半以上,六條斷左四條,個袋低仲有洞,唔掉都唔得.之後用住XCT,又或者UD AK加腰包(荃打火時用)頂住先.等到係網到見到賣LR有折,但仲係賣緊五百幾(HKD),仲係唔肯買,等到黑色星期五都過埋,又等年低清倉,有一日連賣都冇賣,本來以前可以慳返,點知又係另一個網到見有得賣,仲要再平尐,即買,第二日已經清左貨,好彩買左,早知買兩個(有早知......),唔使幾年後爛左又要煩過.
肥左,肥過2011版,同2012版差唔多.
後網袋個扣可調整,我覺得可有可無.
前面兩個網袋大左尐,但都係好細,電話都放唔落.
呢個係哨子,我估係得CAMELBAK先會夾個哨子係條飲管到,而唔係夾係個背囊到.之前個2012版個哨子係個肩帶到,比佢吹漲.
兩邊加左索帶位,但對我泥講都係可有可無.
近年興背心,但係背心除左兩支水放前面,其他野都要放後面,要攞野就一係瑜伽大師上身反手反到上半身,一係除背心.有尐背心多幾個袋係肩帶,但係攞野都係唔夠腰袋就手.同埋有腰帶可以減輕膊頭負擔,可惜之後CAMELBAK又跟風出背心袋,但又唔夠好使,總之冇眼睇.
