朝早唔係好願咁起身,趕住咁出門,又唔記得帶超,就泥曬到白內障.趕頭趕命咁坐巴士,仲要送車尾.到左元朗跑住去小巴站,又見到其他人都係齊齊趕XD,點知架小巴未夠鐘開,齊齊呆住等,最後都八點前到,仲趕得切去報到,估唔到都有咁多人,二百個,我呢尐朝早先話加入,比我加個名但唔比有証書,冇所謂,都係玩下啫.
到左都冇用,話老闆未到,個老闆出錢攪出力行,好啦,等下啦,最後8:35先出發.有頭威左一陣,之後就冇力跑,行下跑下,係咁比人過,頭段跑過幾年,到石崗甲龍上蓮姐到午餐,見到好多人,見到之前環島果班人其中一個攪手,都係行到出煙,係到食住休返陣先.休完起步上波波,行到喪屍咁.停車閘口有西瓜食,又凍又清甜,一人有兩舊,大會話夠派可以放心食,唔知係咪已經有人叫左走,尐西瓜預多左.
食西瓜
落四方山又可以跑下,過左幾個,但係鉛礦坳就休返陣先,又比人過返,之後上草山,落去X石,到針山腳就落大雨,仲有雷聲有埋閃光,休返陣等到冇閃先上(第二日就有馬鞍山電中左個,RIP),濕曬個人好爽,但過完針山已經乜都熱返,係城門幫襯雪糕車伯伯,見到個強國細路比馬騮搶雪糕,嚇到個呀媽都想比返支甜筒(已經食左兩三啖)比雪糕車伯伯,我忍住笑忍得好辛苦,差尐噴汽水.
咁啱又有比賽,落大雨果陣我都係人地個CP到避雨:P
之後走返出美孚果陣又遇返堆參加者,不過深旺道就冇理其他人啦,成日放工跑,好熟路,6KM左右,慢慢跑,冇乜停,最後用左十個鐘左右到鐘樓(上年係九龍公園文化探知館),比上年慢一個鐘.唔計自己有75個人完成(時限12個鐘,原本大會話11個鐘)
T 尖鼻咀 1尖1咀
T 大帽山 1頂
G 草山 1頂
X X石 壹石
N 針山 1頂
G 金山 2頂
T 尖沙咀 1尖1咀
