G shock換電

老婆未成為老婆時送了隻G Shock，一用至今已五年多，上過山下過海出過國環過台，這是第二隻G Shock。第一隻字G shock用太陽能，可惜係一次旅行時於零下四度時不幸陣亡，之後就壞壞地，現在收在家中不知處。

無電之前已經有先兆,夜燈時不能見數字,後期甚至會重置日期時間,最後它停了時間没有反應,我的G-SHOCK是跳字不是走針,停了時間而不是没有顯示這種低電效果也是想像之外.

 本來想去上環總行換,網上話會試防水,但要過海,而且要$120,平日收7點,我收工到佢樓下應該都近8點了,星期六日又不想去,浪費我半日時間,最後還是自己出手.其實也不難,一開始就見鑼絲就開,四角加兩邊共六口,開了就見防水圈,還有防水層,打開如下圖.

有張貼紙話明換電按2秒,小心撕下貼紙見電池扣得好實,估計一邊可打開,用最小一字批左右各試幾下,,發現一邊應該有個扣,可以開到,之後就如下圖,可以取出電池.

之後去日本城找電池,但我要買的形號己售罄,有平價不明牌子10蚊5豪有5定6顆,以防萬一,轉去相機舖買MIJ電池,單一粒已經要十蚊,還真是貴.

換好電,見到有顯示,之後順序又安裝回到錶裡,最外面那層清潔一下才裝回,新舊度馬上由七成新變回八成新,感覺良好.第二日還去了長沙玩水,一切正常無入水,省了成幾十蚊,感覺十分好.

新機ZR

話說上上星期七一3Ts跌爛小米2s，之後要用老鼠先可以用，等到moto g 4G版出場，點知賣2千銀，雖然我仲用緊3G，但我其實想要防水加插卡再加4.4，心灰意冷下正想重回小米陣營，八到Sony ZR係百老匯有折，正價四千有六折即係二千四，比moto g 4g貴四百，有更好防水，大丁多既芒，多1G ram,更強後拍，仲可以換電同NFC，還有代電同膜送，呢四百蚊超值啦。

用了一日不算食電，開機就有幾個更新，現在已經4.4，夠用有餘。比小米慢一點，彈APP次數比小米多一點，但不嚴重，平時用都没問題，NFC，bt4.0都未用過，有問題再寫。

有兩樣比較煩，一樣是防水位,差電位要開開合合,上網看過用兩個月左右就會鬆,所以最好買個差電座,這個我覺得一定要買,如果不防水就少了個買它的理由,我不如買米3.另一樣就是玩遊戲時比較熱,有點燙手,還好我不是煲game的人,所以問題不大.

用GPS,比小米收得快,但有時會發傻,收了很久都未收到,關了再開就冇事.用電不是大問題,感覺跟小米差不多.一般用,一日都不用差電,平時跑步開GPS一個鐘約10%,我估可以用10個鐘.相機質素好,室內影相都可接受.

雙尖一頂2014正日

先說成績,比上年快約15分鐘,約7.5hr完成,但我今年没有等人,只有人等我,所以速度下限由自己定.加上今年天氣天陰有雨,廿幾度比上年低十度,散熱好好多,如果跟上年一樣天氣,我未必可以限時內完成.

朋友同我一起走,他的GPS手錶度到47.5km,還是最短路線,今次行的路線跟之前試路時不同,之前行大棠接麥九逆走,今次走錦田甲龍上荃錦坳,有樹陰有水有風,行得舒服.

我都有開手機GPS LOG路線,不過中途跌破手機,個芒用唔到,個LOG就没有停,回家後用MOUSE才可以用到手機.荃錦坳後加約20km,平均6km/hr到尖沙咀.今年火星人比較多,最快的火星人用了約5個半小時就完成了.

有其他參加者走過了甲龍林徑入口,跑馬路上,明顯走多了.另外荃錦坳上頂走新麥徑,景觀比較好,没有車,但有些位要小心路滑,長短跟走馬路差不多.

最後多謝恆行山友舉辦這次活動,還有各義工幫忙.下年不知會否同樣3Ts,希望還有能力參加並完成.

雙尖一頂2014

轉眼又一年,今年七一上街人數應該再創新高,但今年雙尖一咀應該會少一點人吧,多了一個大霧山頂,要加多約10km路程,還未計上落差,好彩的話天陰有雨,唔好彩的話,下場大雨全身濕透再比太陽又曬又蒸.

今年加了一個大霧頂,改名做「雙尖壹頂自由行」Tsim Bei Tsui to Tai Mo Shan and to Tsim Sha Tsui (3Ts), 如果有人上埋大頭羊就4Ts啦,不過就會變返火星人活動,秋天都有機會可以限時內完成,夏天行仲易DNF過TNF100.

之前兩星期還有跑廿幾三十km,近期反而跑少左,對鞋好似備震開始差,又或者近期跑路斜路多,易傷腳,上年傷得太慘烈,希望今年不要重蹈覆轍.之前都有試下路,但兩次都没有上頂,一次太大雨,天文台報紅雨.一次太熱,三十五度,朗屏出發走麥徑到荃綿坳後就落荃灣出尖沙咀,但都差點中暑,已經用了差不多七個鐘,如果上左頂,最少要加返兩個鐘,限時10個鐘,好彩仲有一個鐘食飯開餐.

有前輩試路走梧桐寨上大霧山,但我預定走大棠接麥九最安全,不易受天氣影響,跑到的話,跑麥徑比較好跑,可能會長一點,但只求完成,不求速度.這種天氣下,其實完成到都已經不算慢了.

旋風156個人組

早幾日收到雷利的E-mail,前大半部都只是宣傳,尾尾郤看到這個:

本年重頭戲  - 「旋風156- 個人組」
今年「旋風156」將推出個人組別，以迎合希望以個人身份挑戰自己的參賽者!「旋風156-個人組」預先登記日期為2014年6月16-30日。

話說只有100個名額,先到先得,我想這個E-mail很多人看過,想玩的人不知會有幾多.本來今年只打算玩hk100做好些時間,但這個程咬金不簡單,吸引力很大.如果同之前的隊友再戰156,結果未必好,我快時佢慢,佢快時我慢,結果慢加慢,加上我有前科,腳底易傷,不想連累佢.單人賽就不同,我慢我快都是我的,不用追不用等,腳底傷了就休,不會連累誰.

就這般想了又想,好大機會報但還未報,過埋今個星期再想,或者買到對合心水的鞋會早些報(笑).還有就是今年156由大潭起步(上年是南涌),都是夜晚開始,一開波就行通頂,硬食兩晚,唉.

遠眺迪迪尼X-CAMP

上星期日一家去迪迪尼玩,天色晴朗,有雲但不多,遊玩過後還未到日落時間,回家匆忙收拾露營裝備,買糧水就急急坐車再入大嶼山.

由收費站上花瓶頂再向迪迪尼方向,經過一個平地,見到迪迪尼就停下來起營.

在這個小小的山頂當然没有水,水要自己揹上去,一餐晚餐不用太多,我揹了2L水都用剩,飲用的再另計,早餐一罐八寶粥就夠,反正下山回收費站很近.

到達時已經過了8點,以為迪迪尼早就放完煙花,原來9點才放,起營途中聴到放炮聲,急急忙用

GR影就算.

放了約15到20分鐘煙花,之後我等迪迪尼關燈,怎料它竟是全晚開燈,加上天上有雲,放棄了影星星就去瞓.

第二日日出還是有雲遮住,可以早些收拾行裝下山.

大嶼山縱走前奏

UTMF後腳傷未能長途,休息多個星期,期間有跑有行,之前有元朗荃錦坳荃灣約25km,亦有到樓下跑街約9km,没有痛,但還有些拉扯筋肉的感覺,到了最近一個星期才覺得完全正常.

以防萬一仍不敢走太遠,打算行短線,但又不想四大徑,比賽路線之類,就找些少人行但又可以在地圖上有小路的山徑走一趟.

打開大嶼山地圖,計劃一條對角路線,由北大嶼花瓶頂到南大嶼靈會山,青馬收費廣場起步到大澳為終點,途經花瓶頂,大陰頂,大山,大輋峒,榴花峒,老虎頭,婆髻山,蓮花山,二東,大東,鳯凰,彌勒,最後芍羗山靈會山落大澳,最少有40km以上,途經多個山頂,由朝行到黑都未必行得完,所以暫時都只是計劃.

今次只行花瓶頂到雙東坳,中途還没有上蓮花山,探路性質,到老虎頭不足10km已用了4.5hr,之後再慢行到白芒大休,再到東涌,全程約26km,用時約10hr,頭段有密林,食蜘蛛網餵蚊,但風景一流.

到雙東坳時已缺水,只好在黃龍古道落東涌.等天氣轉涼才再試,最少可以走到伯公坳,