香港海岸Mission 3,4

星期六朝都係唔得閒,行來行去食埋午餐先出發,好彩大嶼山好近,有車既話幾個字就可以到收費廣場,坐得一陣不過車費都係咁貴.1點起歩上花瓶頂,一路上一路聴到雷聲,上左大半仲見埋閃電,差尐想縮沙閃人,舊烏雲近得來又離開緊,去左青衣方向,運氣應該未去到咁差,上埋去,落雨但雷聲遠去,向反方向行應該冇事.

對比上一次大嶼縱走,尐草密左好多,條路窄左三份一,蜘蛛網又多左,仲要尐蜘蛛大隻左,孚左幾次面膜.我大陰頂之後直行,應該靠左比較好,直行條路比較企,有幾個位都好斜,左邊易行尐,落到見到公路都係要行返去橋低過對面,上返去又有幾個蜘蛛網等住我.

一片白芒芒

之後舊雲遠左先清返少少 

尐草比之前密左

個網係正路中間

過左橋低上返對面就見到個網係正門口,睇泥都有段日子冇人行.

見到愉景灣之後尐草先冇咁密.

可能因為就打風,見到好多大蚯蚓.

落愉景灣,遠景可見香港島及南丫島,可以見返上星期Mission1,2路線.

Mission3用左約5個鐘,天氣涼尐會好好多,老虎頭落愉景灣都冇跑.到碼頭都差唔多6點,之後Mission4簡單好多,一個鐘行完,可能係大嶼山咁多段之中最易.

落返梅窩

實際用6個鐘,尾尾到左梅窩掛住捉怪打尖忘記按停log.