第五日掉低隊長,佢得對拖鞋又有雨佢唔上山啦,高尾山,傳說可以睇到富士山,但一年都唔知有幾多日.高尾山話係最多人行既山,秋天紅葉一山都係,可惜而家係全綠,仲要雨粉粉,遠尐都睇唔到,不過都不減行山興致.
昨日行過燒山果段就係東海自然步道,個起點係高尾山,見地圖都明點解最少行四五十日先行得完,仲長過四國遍路
霧霧霧......
一路行一路有牌介紹各種相關資訊.
我都想睇下飛鼠.
山上風景就......
上頂,經過藥王寺
行上高尾山好易,近山頂見有幼稚園團一邊唱歌一邊行,萌到爆炸,冇影相怕太似拐子佬XD.1號線石屎路,路又闊,仲有飲水機,我諗我個仔都行到.坐欖車都唔到頂,最辛苦果尐都係要自己行上去,只係樓梯級長尐啫XD.回程行另一條線,每條線都有尐特別野咁,我見6號線有瀑布睇就選佢,話說4號線有吊穚,下次下次,秋天一家人行應該都得呱.
回程選6號線
山上有得玩定向,不過跑死人喎,分佈範圍好大.
終於到瀑布,點知......
見唔見白色果條水柱,有冇五米高都成問題.
返到山腳.
下午去機場,等上機,上埋機,開唔到機,度門壞鬼左,香港XX攪左好耐,最後都係成機人落機,車曬尐人去酒店攪一晚,晚餐都冇,等到第二朝,早餐都係冇,餓死我,衝返去機場食麥當當(最平又預期會飽),隊長繼續唔多使食,佢執完行李先來機場.到預定登機時間架機都未攪好度門,不過就飛得到,度門附近尐位就唔比坐,隊長話果幾十人冇得上機(又等下轉?).Check-in時比左張1000円餐飲卷可以係機場到用,最後去左食吉X家拉麵,只係因為貪得意香港冇.不過就好少囉,同香港尐拉麵一鬼樣.
呢個係吉X家拉麵,未食架,佢係咁少.
呢個係落富士山果晚食既拉麵,果晚是但入一間,都係一千円,飽到上心口,點知跟麵仲有碗飯,嚇死我,好彩個呀姐醒知我食唔曬唔係好多飯.
