環湖摸手

之前K先生問有冇人想行黃竹角咀,佢話佢今年冇行,想係2018前行返次,我好似2016成年都冇出過去摸手,好丫,去下睇下隻手爛到咩地步.

前兩日玩完雙大肶好攰,過左一日叫做好尐,好彩摸手唔使上好多,8點三出發,下苗田慢慢上之後平既多,跑下都夠追到K先生行既.天氣又唔係熱,揹少尐水又輕尐,冇追得咁辛苦.最好當然係K先生帶路,唔使諗行邊條路.

兩個佬,一個牛記,一個短打.

三個鐘唔使出到去啦,K先生一陣就到隻手,我就仲係尐石到爬下爬下咁.食飽午餐休左陣先走人,走果陣用過濾器過濾尐山水,又帶返1L水出去,好好用.返出去果陣行左陣前面,頂丫,有條樹支成手指咁粗,轉彎位伸出泥,唔多覺,一撞穿埋件衫,即刻流蚊飯,好彩唔係着件貴衫,比賽衫穿左都唔肉赤.

出到去拉下筋.

三個鐘左右就到,都算幾清,見到水平線.

咁啱水退,成隻手見曬.

終點在望

K先生朝早食唔飽早餐,出到去個午餐又食唔足,下午步速減返尐,我都攰啦,3點出返石屎路,行返出巴士站,去坐車返大埔食下午茶.下次K先生食飽尐,我又冇咁攰,應該可以再快尐.食緊果陣朋友P都到,不過食還食,食飽都係唔會跟K先生去增遊既,我地仲好清醒,冇醉到XD

三點左右出返石屎路,餓死K先生XD