清明復活五日連假

本來五日紅日,以前復活假會返大陸,但今年遇到清明,又要預備搬屋/幫人搬屋,只好留守香港.

第一日去了參加TNF閒遊/閒聊活動,可能有十年冇去過東龍島,以前係西灣河坐船,現在只有三家村有船去.第一日紅日有好多人攞住成車(買餸車)去坐船,本來要坐9:50船,我9:40到已經冇船票可以買,最後要坐11:00船.大會介紹東龍島景點,講下影風景,外地比賽,行一陣,講下東龍島有什麼景點,我一路行一UPC/UPV,都算不錯.回家收拾自己的戶外用品,唔計衫褲鞋,只佔半張六尺床位.

人手操作,一張票可供多人使用.出發時要決定回程時間.

大會波籮包

第二日幫朋友搬屋,一年死約一年生約,夠期,間屋冬天難開熱水爐,夏天冷氣又唔涼,想換熱水爐/冷氣,要同業主一人出一半錢,剛好有朋友個老婆買左間新屋,朋友間屋租比我住,朋友搬過隔離座,我搬過對面屋苑.

第三日約朋友行山,本來想一日行完個Mission,最少都行一半,但天氣炎熱,自己都未適應,行到溶左一半,mission一半都未有就撤退.

一開始就上樓梯

一開波就kill標

之後可以見到迪迪尼

穿橋低

又上呀上,連kill幾支標

遠眺老虎頭

見到大石上不解鐵牌一塊

終於到老虎頭

到左白芒,飲左兩罐汽水,食返個麵先似返半個人.士多老闆季節限定隨意加料,不另收費.

飲飽食醉又上路

上蓮花山,好彩唔使上薄刀刃

過一陣就上二東(冇出相),再上大東,眾人相議後食下午茶為首要mission,回頭黃龍郊遊徑返東涌.

到伯公坳可能減1至2km

第四日上午屋企執屋,中午又去幫朋友手搬床褥,之後去坐車入東涌.行去巴士站想快些到伯公坳繼續mission,但條人龍一個大U形,迫我行上去.上鳳山山落返昂平回東涌,有前進好過停,最少第三日可以行少個山.

回頭影相

下山

幾日都見到雞公蛇

七點前上到巴士趕得切交人.

第五日天氣最清涼,近中午先熱返,朝早又少人坐巴士,一到巴士站就可以上車.坐到昂平起步,今日落多上少,大部份時間都有冷氣吹送,到狗嶺涌後先曬太陽,曬少陣已經算有賺.

一路都有冷氣

終點在望

飲返罐汽水先

一開始冇訊號,關機再開先有返.完成mission返大澳完成返之前想起的CF

二澳田的禾生高了點.

北碑方向

燒到黑曬

上到北碑先發現有人通知我有Block link,炸link再上返去連線不知要花多多少時間,最後出到巴士站找個好位可以連到個'低線'就起CF,CF只有13kmu,之後返東涌再連多一個CF約得7kmu.

前人種樹後人剩涼,右邊CF有C兄/姐連北碑到東涌市中心,大澳坐車到東涌,下車行幾步就攪掂.

三日加埋62km,減撤退路線,全程約55km,上升約3500,回石壁可再減2-3km.看來這個mission比大嶼50更難(大嶼50上升約2700)

散石到分流觀/聴戰

平時都少參加Ingress活動,一時有家族節目一時要操練,唯一一次係之前長洲G8團,都只係中途加入中途就走了,本來我都不知到328有活動,只係剛巧我去分流跑長課加起CF,就有人叫我順便去做看更.

東涌攞key途中影,對比近期,今日算好天氣

一早入東涌走去攞key再去巴士站坐車到散石灣女青年會落車,但巴士個顯示同個站差一個站,最後要行返轉頭一個站,係Google Map見有路可以接鳳徑,但行左陣已經比人圍左鐵絲網,行返轉頭睇有冇其他路,行埋引水渠都唔對路,最後放棄.又要行返轉頭兩個定三個站,中途有個位Google Map又係有路,但一入去行幾步就轉頭,條路密到爆林一個鐘都唔知出到去未,最後都係行到貝澳附近接鳳徑11.

大部份都係石屎路,行左陣就到個靚位起左個CF,不愧係郊野公園範圍,得7kmu,上青衣座三支香連下面條車路都唔止.

個樣就大,其實mu不多

行下走下到分流,十二點半左右,係沙灘收唔到訊號要上返高些先收到,一收返就已經一片藍色,如同身處汪洋大海,一堆Msg,intel又死死地,本來想起多個CF,而家連拉多條線都拉唔到(灰).

照預定時間到燈塔,但近開戰時間就收唔到訊號,之前仲好地地,真係估唔到,第一場完左之後又正常過一陣,但近第二,場開戰時又不行了.係燈塔到見到個藍人,一對一,但相比之下我完全没有戰鬥能力,人家一堆毒我有4粒,人家連電話卡都兩張,我一張用唔到就企係到數手指,第一二場都係由佢講返打成點,幾多比幾,第三場就連佢都上唔到ingress,第四場就算啦(唉).

二澳復耕

走返出去要到二澳先收返訊號,又係一片藍海,到大澳就歸家,太遲走,本來可以跑返出東涌,今日得36km,明天再揍夠數.對鞋就夠數第一季已經夠km要換鞋.

吊手岩接麥4321

近期天氣回暖,去吊手岩幻想可以影到通山杜娟花,事實係仍然開得疏疏落落.

坐巴士去耀安起步,沿路有指示.行到去燒烤場有堆卜土,有些已經灰左,有些明顯冇差,得好少hp,炸幾下就灰,UPC左九成約廿粒.行到上去右邊上吊手岩,左邊上昂平.上一陣已經見雲海,可惜同時又好大霧.

 花都未算開得多,我覺得最多三成

見返麥4

一落低些少,已經一片白芒芒,地面濕滑

到 水浪窩過對面上雞公山,一邊上一邊諗去塘口好定老老實實北潭坳,最後都係醫肚要緊,食豆花先,13蚊碗,有彊汁糖水,好食過大尾督那些多多聲.最後都係去左高塘,為了在黃石郊遊徑起CF,但之後要行返上北潭坳,不然起CF會細一個碼.係北潭坳乞key已經冇heat sink,順便又休息,最係攪左半個鐘都係得4條key,已經三點幾.

 落山都冇跑足,行下跑下.那時已經冇人同一方向行,個個都返北潭坳.得4條key,填得半個水塘都冇,填住先,再等5分鐘都未必一定有多條key,咁等法八點都未行完.

鹹田 

西灣死水潭有紅潮 

去到西灣山先有人同一方向,有幾個老外休息正好我睇緊使唔使炸卜土斷藍線,爆曬粗話Fxxking far,我話佢知行多1個鐘就到,唔知佢之後一個鐘行完未,如果未,唔佑有冇爆曬粗話我.西灣山都仲有好多人落緊山,十幾廿人.由浪茄上返東霸,一堆人等的士,三個人已經非法集會,果到一定有50人以上.

西灣山望浪茄

落到浪茄,滑翔傘都收工.仲見好多人露營,十幾個營,夜晚應該冇覺好瞓.

見到個牌,又行下跑下返出去,麥21用左四個鐘35分左右

最後填完色回程食晚飯時已經比人炸,估唔到西貢九點幾十點都仲有人會玩Ingress.加埋今日填果幾個CF,Illuminator終於升到白金,不過個Lv仲係得11,哈哈.

左邊細三角係吊手岩水浪窩,中間長三角係水浪窩連去黃石,右邊係北潭坳連麥12沿途.

全日行左約45km

易來易去

明明過左新年,但反而聚會比新年期間更加多,星期六去海馬公園玩,夜晚自助餐,肚滿腸肥,星期六零運動(實際上整個星期都無跑過),星期日中午又要去屯門聚餐,又係大魚大肉,所以早餐都可以唔使食,朝早上三支香攞Key,攞得兩條Key,連下線又要急急腳下山去屯門.

午餐食返早餐果份,食飽飽返屋企休左陣就去回歸徑攞Key,今次攞左三條,之後最煩係返馬路,行完都係唔知邊條路最快可以去坐E車巴士站,又要等E31,好耐先一班.到左東涌有個卜土阻頭阻勢,要搵左陣路先去到炸個卜土,再返轉頭去搵個靚位卜土,本來打算三層,但朝早三支香得兩條Key,只好行少個巴士站,起少層.

係公園長凳坐住炸,拉兩條線,嘩,一個三角形已經仲多過上星期日行成日果兩個三角形,行過幾十米又拉多兩條線,又107kmu.

平時總有幾條阻住,今次難得只有一條藍線,青衣果兩個卜土連左線又冇比人炸

目標為本,起完就返屋企,返到屋企睇個地圖時個CF已經消失,果然係易來易去.

深井連走

上星期日報名UTMF,其實唔使果日都得,係我心急,中午報名,上午就去玩Ingress,上三支香頂清一下卜土,再走返到馬路拉個三角形,有得走下又有得玩,一舉兩得.

九月先比賽,三月應要開始操練,但又唔可以過急,所以都係慢慢來,一日廿幾km,仲要好多係平路,落多過上.星期六青衣跑去深井(約10km),乞夠左卜土轉左綠色就回頭坐車出荃灣西,再坐車上荃錦坳,行上少少又乞幾個卜土,轉色再拉線去深井,之後就落甲龍林徑,向河背水塘走下行下,到CF第三隻角轉色拉線,最後個CF有四五層(自己都數唔清),行返去河背村坐小巴走人.

左下角係深井,右上角係大帽山,左上角係河背果頭.深井有三個卜土,大帽有三個卜土.

黃昏左右已經比藍人拆左深井一個卜土,還算有良心,第二日我又跑去深井用剰餘的兩個卜中土最外那個再連一次上大帽山,(好彩唔止一條key,又計多次mu,正呀),之後就向上行接麥徑九十去到大欖水塘尾連河背同今朝深井個卜土.

見左下面還有位可以有個三角形位就去小欖過大欖間天后廟連多個CF,半路仲遇到發哥(開心冇乜禮儀).到左天后廟再睇深井個卜土已經轉左色.星期六朝藍色,我去到轉綠色,黃昏拆左個卜土,星期日我再連,下午又比人拆,我行下跑下又返深井再轉色加連線.

個藍人星期六日兩日上了兩次個卜土位,到我轉身下山百幾米之際被人叫了我個Ingress Agent名,原來藍人下到山時發現間天后廟比我轉左色,轉個頭連深井個卜土剛剛轉色,所以又上山,見我機不離手,上完又折反,時間又剛好,估到係我,最後陪佢上返個卜土等佢炸完再一齊下山,佢仲話要坐車去連返天后廟,我就行夠坐車回家.

深井上清快塘接麥徑,麥10轉落小欖接青山公路返深井,一圈約20km