尼泊爾EBC,Namche Bazaar(第三日,適應日)

原本山上13日之中有兩日係適應日,即係會係同一地方住,但會係週圍行來行去上上落落,用來比身體適應高度,減少高反,因為打風,行程少左日,只好減一日適應日,三千幾同四千幾,帶隊提議"低地"做適應日會比較好,所以就繼續原定既行程係南崎巴扎留多日,係附近逛.

一早就出發去睇日照金山,係南崎唔算高但已經可以見到幾座雪山,都有幾度,仲可以上身羽絨下身短褲,地面有霜,日出多一陣就唔見.

睇完先返去食日餐,麥皮加蘋果,唔記得果杯綠茶定薑茶.

食飽早餐先係正場,不過都唔辛苦,一路上一路影相,再去一邊嘆茶一邊睇住個雪山景,嘆完再落山又係去食,估唔到係上山行程中最好既一餐,食飽又返山屋,行左個圈仔.

又出發向上行

"低地"常見既藍色花

睇返住果堆屋仔

個小山頂就係朝早睇日照金山既地方

"低地"常見既紅色葉

沿途都好多人,基本係適應日必行路線

去到一間出名靚景既酒店嘆茶

多數人都選坐室外,室內好凍架.

室內得幾度

間野既卡片

山屋到嘆茶

嘆完茶去另一條村食午餐

一牆牛屎   

 

呢間野既食物好味度

咁多日見成團咁多人叫既hash brown,最好食係呢間,hash brown加芝士加蛋

之後去間廟睇個唔知咩頭

又去參觀地震重建既學校

重有醫院

三點打後就起雲霧,氣溫驟降,返到山屋最安全

晚餐食薯仔

由嘆茶到午餐唔記得開LOG,呢個係由午餐返山屋既LOG.

尼泊爾EBC,Namche Bazaar(第二日)

第二日還算正常,有得食瞓痾,行得走得.一早起身就用瀘水器過濾水喉水,冇煲過,飲左都冇事,尼泊爾山上衛生並不如想像般差.朝早比較凍,但起步就熱,收拾大背囊都會收起羽絨,餐廰食早餐多數有暖爐,唔會凍.第二日上比較多.

07:58-14:46,約5HR28MIN,9.564KM,最高3522M,最低2628M.第二日上既多,但路不難行,小心牛隊,牛身上既石油氣,真係唔好行得慢過隻牛,慢過就真係頗慢啦.最少都上左800米,尾尾間山屋仲要係高位,去完嘆茶要行返上去,有團友行完就高反,成為第一個食高反藥既人.

早餐,一日三餐,以早餐最緊要,因為朝早多數行最多,食夠先有力行.

牛隊

繼續影菊花

一路都會見路邊有PORTER休息位,一排大包包,PORTER見包包主人到就又頂起個大包包走,有心跟的話,低海拔還可以跟到,一上高地上斜就會被海放.

屋內燒唔知咩,出曬煙

又一個閘口,等帶隊攪文件

到一些特別位置都有類似門口.

過左閘口行多一個鐘左右就午餐,雜錦炒飯加芝士.

雙吊橋,一新一舊,問過帶隊,佢話舊果條都仲行得,不過個個都行新果條安全尐.

吊橋好大風,其中一個團友就係呢條吊穚比風吹走左頂帽,要係巴扎到買過頂.

過完雙吊橋後上到個休息位,係樹蔭間可以見到珠峰一角

到左南崎巴扎,好多店舖,物價有時比LUKLA平,例如煲水既氣,呢買RS 850,係LUKLA要RS 1000.住既山屋可以買到名信片,RS 100一張,會連埋郵票(自己貼),會幫手寄埋.自己買就平幾十RS,可以問買名信片既店鋪幫手寄.

房外街景

之後去嘆茶,食物質素唔錯,有WIFI,飲熱朱古力

為返HKD約26蚊

漢堡包都有,味道好過麥當當.

呢個返山屋食既晚餐,下午茶食左唔少,差尐食唔落個薄餅.

尼泊爾EBC,LUKLA(第一日)

EBC的起點在LUKLA.原本計劃星期六飛尼泊爾,星期日到LUKLA起步,但因為香港打風要後一日起步,還好去LUKLA機票改期不用錢(旅行社話起飛前24小時內改不用錢).

13:54-16:44,約2HR50MIN,7.114KM,最高2852M,最低2453M.第一日落山比較多,氧氣足,路況好,簡單易行.

LULKLA傳說係世上最危險機場之一,但看來現在已有改善,起飛升降都好正常,可能天氣好,全程没有任何驚險場面.去LUKLA的內陸機有行李重量限額,大包10KG,細包5KG,但不是很嚴謹,朋友在細包抽起部份行李給工作人員磅,磅完又放回去,一樣照上到機.

國際同國內都是同一個機場,前一晚落機,第二朝又帶齊行李上機.

各人的登機証

坐果架機,16坐位,兩個機司,一個空姐,飛機餐有糖,仲有提供棉花塞耳仔.

全程約30分鐘.坐左邊可見雪山.

落地後約2800M高.

起行前會食一餐,等機都等到中午啦,食飽先有力行,後期越上伙食越差,直到行返低地先有好轉.

過左大街就見到警崗,帶隊要做野,辦証件之類,仲問用咩電話相機.

起點

沿途有很多小黃菊,波斯菊之類

海量PORTER表現

過吊橋三四次,小心大風,有朋友比風吹走左頂帽.

經文筒,轉一次等於念一次經

第一日EBC行程目的地

第一晚住既山屋

間房有埋厠所,亦係全程唯一包厠所既房.

EBC 出發前

剛行完EBC(尼泊爾珠峰基地營),相片還在整理中,先寫一些事前功夫,好給想去的人參考.

最多數人問既係EBC難唔難行,我覺得我今次算易行,易過做毅行24,易過半馬Sub2.要有一定體能同毅力,如果有長途比賽經驗會比較好.高地行山經驗是必須的,第一次就行EBC的話好大機會會帶來痛苦回憶.

架餐:

衫
短袖快乾衫兩三件(我帶平時比賽送的快乾衫兩件).
長袖保暖衫一件(Columbia Omni-Heat).
抓毛一件(OR RADIANT HYBRID PULLOVER).

羽絨(MONT-BELL ALPINE DOWN PARKA).

防水風褸(Montane eVent Air Waterproof Jacket,現在已經没有eVent版).

褲
四袋短褲(MONT-BELL)
雪褲(假野,不過都好暖)
防水褲(MORMOT)
長梯(SKINS A200)
短梯(SKINS A400)
快乾低褲(CWX)

帽
鴨舌帽(防太陽)
防風帽(防風,冇用到)
絨毛帽(保暖)

手套
厚手套(有用一陣,但簿手套方便,又轉回用簿手套)
簿手套

鞋
行山鞋
拖鞋(一定要帶)

襪
羊毛襪
運動襪

其他
腳套
頸套
太陽鏡
GPS錶(主要睇時間,高度,距離)
啤牌(一團必要有一副)
瀘水器
氣爐(如果會煲水),之後係LUKLA買氣同打火機,係巴扎買更便宜
保温壺
路糧
睡袋(-9度)
尿袋(1萬+2萬)
相機(一大一細,腳架一大一細,CPL,相機布,三支鏡......)
厠紙(半卷加4包細)
太陽能板(淘寶買埋三四百人仔既已經夠用)
行山棍(冇用過)
膠布
頭燈

......

錢
來回機票約4500加當地EBC團約10000.另加200美金換盧比.

高反藥
食藥,食左藥都唔得就停多日(有時間既話),仲唔得就落山.朋友以Diamox,高原安,必理痛為主.我冇食過藥,上到過四千五有尐頭痛,但瞓到覺,起行行一陣個頭就唔痛.