陣馬高尾縱走

之前行過一次高尾山,慢遊上頂,係頂到睇過個牌指可以行去陣馬山,之後就有今次縱走.上網揾過坐咩車,大約路線,行幾耐,跑就唔使既,不過而家早日落果下煩啫,之前一日行左轉就知尐雪多極有限,糧水加熊鈴加件羽絨就夠.

高尾站坐車

之前一晚係八王子到瞓,唔使好似行雲取山咁早起身,一出站就揾巴士站,揾到個站再揾路線,一睇就OMG!!運休中,點睇都係話架車唔去陣馬高原下,心諗唔使返酒站咁低能呱,去到幾遠得幾遠,去左再算,於是就照上車.皇天不負有心人,個總站竟然有接駁車去陣馬高原下,奇在佢又唔係高尾果個巴士講,等我唔使咁早出門瞓多陣都好丫.

 因為接駁車要等成個鐘,我又係人地民居到閒逛,都有好多紅葉睇,有間寺有幾棵幾靚.又有時間食下早餐,夠鐘就見架接駁車泥,一百円一位,坐到陣馬高原下,成架車得三個客,但就一個司機一個收錢,真係貼錢載客.

接駁車

收錢果個日本伯伯仲怕我唔識路,見我落車仲問我行去邊,會唔會原路坐車走,怕我唔睇時間表,架接駁車都幾疏,咁我話佢知會行去高尾山,佢就指地圖有尐路封左,真係好好人.起步見到尐霜,但唔凍,上到近山頂先見到尐凍土,有尐出到朵花咁都幾靚.個頂有隻馬,個姿勢就有尐攪鬼,又見到富士山,但就冇雲取見既咁清.

一日五班車

有封路

之後就簡單,沿途都有指示,除非唔識字,唔係都幾難行錯.仲見有進度"條",不過頭同尾就冇特登揾,佢話19KM,我覺得真係差唔多.

因為唔係假日關係,定架巴士停駛左,所以近陣馬山尐食店冇開,傳說一路都好多野食,行完會食肥左.上左陣馬山之後都冇乜大上落,條路正常易行又夠闊,而家紅葉冇乜,但有紅葉應該好靚,同時會好多人.

介紹返朝早影果尐冰之花

尾尾到高尾山都仲可以見到富士山,如果夠清既話XD,高尾山尐紅葉又多返,因為暖尐?真係唔知點解.之後又試另一條路落山,落到去就啱啱好差唔多日落返酒店又去搬行李去第二到.

轉車返高尾站再返八王子,車站有水喉有埋刷,可以洗鞋,洗走下尐泥先好坐車.

東京都最高峰雲取山

唔覺唔覺又冇寫兩個月,因為個人冇乜點旭(敗家就冇少到),冇地方行就冇乜好寫.

其實都有行下,不過唔太特別就算,因為學行雪山要上堂去日本實習,就飛左去日本東京,反正唔飛都飛左,不如行多一兩個山,其中一個就係雲取山.

要行雲取山只有兩個關卡,一個就係朝早班車,因為得兩架巴士到登山口,又隔好鬼耐先有一架,係得頭兩班揀.有朋友為左坐7點車,之前一晚瞓奧多摩,不過果到就乜都冇,真係早睡早起.我就揀住係福生,好尐尐,最少有超市,過左八點都仲有食店開.或者可以再激進尐,直頭住係登山口附近,有間民宿,一起身就可以開始上山XD.

坐JR到奧多摩

坐7點巴士

中途站落,對面馬路就見登山口

我都係上網揾定gpx log跟住行,都多指示,好難行錯.上得唔急,慢慢上冇野要爬,可能上大帽山仲難尐.我都係着行山鞋,亦唔係用跑囊,揹左好多唔等使既上山,近期冇乜跑過,最後上左四個鐘,落山用左近三個鐘,不過條路好正常,有雪有雨就另計啦.

會睇兩次XD

密集恐懼症

有尐路比颱風打爛左

路都係一般泥路,上到七石山會大風尐,見到富士山有尐開心,之前有朋友早兩個星期左右行左轉,佢地住山屋,果陣仲凍過我上山果日,佢山頂都仲有尐雪睇,我就得尐凍土.帶埋件羽絨上山,完全冇機會攞出泥用.雲取山莊要過左雲取山再落先到,有另一條路可以唔經山頂行過去.山頂間避難小屋幾靚,不過冇入去睇.

千四左右就見尐冰土

七石小屋後面有個平台可以睇到富士山,應該上山時去睇,遲左個天就冇咁清.

睇返上面雲取山果塊牌

富士山

呢間係避難小屋,間山屋仲有段距離

有熊出没

入左去但冇人理,有個牌寫2:00乜乜咁

食粟米,仲有包,仲有魚肉腸,朱古力.

返落山去左買支汽水唱散銀,又去八下個營地,唔算多位,不過個位一班朋友仔三四隻營影星都唔錯,有富士山做前景.如果到左山頂就掉頭再跑多幾步應該可以追到2點四十幾班車,見追唔到就慢慢散步返落去.到山腳見幾個人抬頭望尐樹好耐,開頭唔知睇佢地乜鬼,以為係睇紅葉,等多陣聽埋聲就知到係睇到咩,估唔到果個位有馬騮.

七石山山屋,500円扎營,富士山加滿天星一定有,係唔知可唔可以睇住富士山日落

買支可樂打散張一萬円(冇買西瓜卡)

聖誕特別版,個蝴蝶結......= ="||

間七石山屋既貓

天氣涼涼地又唔使十個鐘既

有冇睇返個牌XD

考眼力,見唔見到隻馬騮

巴士站好多貓,呢隻好餵食,見人食野會望住人.

車站再向前行100米左右就見呢間民宿