閒遊嶼南

平時少行大嶼山南面,最多都係龍仔悟園落返大澳,對上果次一係為左雞亦角,一係就大嶼100,近極都兩年前.

HK100後休息近一個月,上個星期又跑返,跑左幾日得40km左右,星期日行下,諗住行長d,但夜晚要入天水圍,中途又落雨,縮下縮下行得20km.

主要都係邊行邊玩ingress之過,東涌上昂平,一路行一路炸,未到靈會山連尿袋已經冇電,剛到狗嶺涌引水道,行幾步想hack之際就自動關機.可能因為有雨又凍,電話又收得差,電用得特別快.

全程都係霧,但又冇雲海比我睇,本來想去分流二澳,有雨又冇電,偷懶出返石壁就算.

個營地仲有一段距離,出名多蟻.引水道未有水,這裡看日出不錯,天氣好的話可以看到水平線日出,夜晚亦少光害,坐車到沙咀行5.5km就到,人少又交通方便.

嶼南界碑

觀景台

閒游沖繩

HK100過後專心休息,之前已經計劃好跟老婆去一尚短途旅行,剛好有平機票去沖繩,老婆又可以過下日本敗家癮,我也想敗,但沖繩跟大板東京的敗家吸引度還是有段距離.

想買相機,但只有忘了是多少年前的形號,K-30,而且比香港還要貴.
買露營用品,中國制的多,而且CAR CAMP用的多,我這種單身露營人仕有幾輕要幾輕有幾細要幾細(當然要幾平盡量平吧),連地席都不想用又怎會有興趣買那些重裝.
買跑步用品,外國網連運都比沖繩見到的平,跑鞋都是asics,這幾年都是着美津龍,徧徧就是無.

最後買了chromecast,日元低,4200日元,比香港賣$320平一點,本來想買SONY SmartWatch 3,但影都没有.還有一個三間側揹袋,八百日元,淘寶價錢日本貨色(雖然MIC),上年買了一個,今年又買一個,大細差不多,但用料不同.

其他就是食,行街,食同食.有一日跟當地團遊一些遠的景點,又有一日坐車去看櫻花公園,可惜櫻花不多,車程又耐,車費又貴,不去也罷.

一般閒遊兩個人,買個平機票,住一般酒店,五日四夜才一萬左右,不多敗家,不食放題,八千應該不難.

萬座毛,影相外還玩INGRESS

出名的水族館

最肥的一餐

HK100的灰姑娘傳說

星期六是2015年第一個100KM賽事HK100,還記得第一年報名人數不過一千,如今已經多人到要抽簽才能上場,上年失敗地在TNF100受傷,HK100未能做到20HR內,連21HR內都完成不了,在鉛礦坳嘔了一地,要休息兩個鐘才能再上路,最後只得銅獎.

上年年尾出過事,最近一個月都少操山,多是路跑,萬一有事都有人發現可以及早被救.比賽前一星期都只是跑了CP1至CP3,未到海下已經爆爆地,用了5HR36MIN,所以正日都是留前鬥後為上.

事與願違,起步塞車,出多力,還要慢過上年,用了40MIN先到大路,之後遇到KFC的高手,跟住佢地速度跑,佢地唔算太快,但耐力夠,我多數跟二三十KM就被放甩,但那段距離成效好大.到CP3時見到火星人,話跑左十KM就爆左要HEA住行,我先唔信HEA住行,轉個頭又唔見影,到近CP4先再見到佢慢跑,經驗話我知快過火星人冇好處,一係好快又被追上,一係好快就自爆,於是跟住火星人慢跑,仲有一百米到CP4上幾步斜路作抽筋,變返行,怕抽筋,係CP4休夠先走,火星人早已經絶塵而去.

到CP5時用了7HR20MIN,休約10MIN,到7HR30MIN左右離開,之前最快頭50時間係7HR15MIN,但那是操練,到CP5就雙腳全麻坐車走,昨日天氣大晴天,加留力,只多5MIN還有力行已經好好.去馬鞍山有段上斜,慢過蝸牛,落斜平路先可以慢跑,經過癲傻200洗禮,加上wave inspire 11給力,雖然上山被爬頭,但一有路可以跑就可以追返什至界返幾個,各CP的排名都有推前.

本來想做16小時,前7.5HR,後8.5HR,前7.5HR合格,但後段上山太慢,加上一快上斜就想抽筋,大肶前面抽,轉用側面,用到連側面都想抽,只好停一陣拉筋,或行一下按一下.到基維爾用了兩個半小時,但要食麵食飯拉筋加衫,時間又開始不夠,最痛苦的是到城門燒烤場剛好用了13HR,16HR完成就是半夜前完成,12:00可以歸家,同時有金獎.

半條人命點都要休息一下飲返杯茶醒下個人,頭燈又要換電,個金屬接位又唔通電,又要攪一陣用了幾分鐘,係針山腳開始追時間,連草山微上斜都跑,終於又見返希望,還有約1.5HR.不久前白天走過一轉,下意式好快就找到最短路線,一路上都專心跑,時間都不理,到四方停後真是敵不過那大斜路,又變返做蝸牛,好不容易到波波還有約二十分鐘,先慢跑一陣,之後加速,後來睇記綠有時速10以上,但那Z馬路全走走了約一半已經大肶作抽,行幾步拉一下後要慢跑一會先再快跑,但睇時間已經過了16HR,最後變回正常速度走到終點,最後還差幾分鐘先有金獎,

癲傻107.1/200

今年比上年好,新鞋好給力,開始時怕腳不適應,用之前用開的鞋墊,但新鞋個底改高了墊位,用舊鞋墊反而太高,跑了一段就要換回原本的鞋墊,11比10的鞋墊軟,感覺比較舒服.上年跑了約30km就覺得腳底開始痛,今次跑到過80km才覺得腳底攰,跑到97km對腳肌肉酸痛,係腳底未痛之前已經行的多跑的慢.最後跑了107.1km就走去食飯,趕到尾班巴士回家.

今年多了很多人,好多火星人,參加超馬24hr的也來了幾個,可惜之前1月1日有比賽,星期日又有比賽,火星人跑全程的在cp12後就除了施Sir就只剩1個.

上年50km已經見不到施Sir,今年去到97km都仲見到已經好開心.如果我再行下去(實在無力跑),龜速多20km才可以破自己最長記錄123km,半夜三更冷清清行海傍又無得食的感覺使我放棄得更堅定,哈哈.

CP12剛好一半,以下係所有CP路線圖

2015一月一日敗家wave Inspire 11

對上果對Inspire 10其實只着了三個月,還可以用,雖然摺位有個小洞,但對跑步行山没影響.今年行山比較少,多是跑樓下/青公/麥徑,比賽路線都不多,再過兩星期就HK100,但至今只跑過麥4至8(用了近7hr).跑鞋面真是容易穿.

今次期實係買定諗住放屋企過年後才用,本來買Inspire 10,係荃灣中X試鞋,買過白色藍色,差些買螢光綠,呀姐順口話有Inspire 11,要唔要試埋?試又唔使錢,一定試,幾錢先?同10一樣價,嘩!即係叫我買11啫.

試着企定感覺前掌側邊位托高一點,正是平時自己用鞋塾時加厚的地方,反正一樣價,有新試新.回家後試跑約9km,没有換鞋塾感覺還不錯,但9km太短試不到什麼,可以肯定的只有覺得跑下斜時落腳較易,Inspire 10時左腳前掌會易痛.

外形反而是Inspire 10比較突出,11的樣子比較普通.

傷後青公下星期又青公

話說上上星期公司好忙,忙到放工食晚飯都差D冇得食,食店都早收工過我,成個星期都冇跑,到星期六朝早去睇個仔聖誕表演,係屋企附近,跑十幾分鐘就到,唔知係之前一夜唔夠瞓定一早食早餐未吸收,跑左十幾分鐘到表演塲地一停就覺唔對路,未做到反應已經不醒人事,個後腦撞左地球一下,中間全無知覺,醒左已經有人話叫左救護車人,我個頭出緊血唔好做任何動作,星期六日就係醫院過,驗左血照左X光,冇發現有咩原因,冇解,醫生只好放我走.

今個星期返幾日工,仲有得早放,我都怕死,呢幾日早瞓左,食夠瞓夠,一切好正路.紅日第一日要做公司事務,朝早攪一陣夜晚攪一陣,得閒睇下,中間有時間可以行下街.今日第二日紅日,老婆帶個仔去玩,我樂得耳根清靜,朝早又係攪公司野,下午得閒算好時間出去跑一轉,青衣荃灣青公到三聖,玩陣ingress,食個包,慢遊回青衣.去程2hr12min,回程2hr44min,無計中間玩ingress約10min.

下星期有超級CLS癲傻200,上年是180km,我行了約100已經不行了,今年狀態應該更差,希望天氣比較好,食下行下,頂夠100km.今年逆走,剛好過100km的cp又是上年近100km的cp,如果到元洲仔公園應該好夜,上年50km到西貢北潭涌之後就見唔到主跑團,被海放了.

為玩INGRESS可以去到幾盡?

這件事發生在前日,即是星期六,話說朝日一早八點左右電話就震,好奇睇下係咪同事搵我要攪公司野,估唔到係有人一早炸卜土,仲係烏蛟藤果堆,炸啦炸啦,返正我都阻唔到,幾個8LV以上一齊行,我加都唔夠佢地扣咁快,之後睇住佢地一路行一路炸,炸咁慢既,做MISSION?我怕佢地又去玩鬼手MISSION,SEND MESSAGE問佢地,佢地話唔係做MISSION,但會出鬼手.

心諗出得鬼手都唔會慢呱,可能只係慢慢炸用多時間,但朝早返完學睇炸到邊,唔對路喎,咁既進度,出返去大美督好夜喎,我仲係個指示板到加加加,果到收得唔好,佢炸唔得快,最後佢出大絶----放毒,一下子變曬係佢,覺得佢地都係係鬼手叫大飞走既多,之後我都冇多理.

夜晚十點,八下個電話有冇咩留言之類冇睇,手多睇下有咩卜土比人炸,一睇,嘩,仲行緊,睇佢地仲一路行一路炸,志氣可嘉,但身為對家,見到比人炸都應該做下野,不過作用不大,轉眼就白再轉眼就藍.

半夜十二點先到條霸仲要邊行邊炸,一個都冇漏,我見佢地咁慘,我都唔忍心今日就炸返佢地行左成日超過16小時既成果,轉左行麥4-8.

今日打呢編又去八下佢地既成果仲係唔係到,今日有TNF100,一堆人上馬頭峰,可能果邊會比人炸左幾個,點知一睇又見返JACKYTAM,佢好勁,個個山頭都有佢既腳,笑到我.仲有樣好開心既係鬼手個卜土移返埋岸,上次我改位原來仲差一個灣,不過已經好好多,最少見到佢CAP到,咁又可以做MISSION,又唔使自已炸咁耐,GOOOOOOD!