鳳凰觀日(一)

近幾個星期都是下雨天,最近一個星期終於停雨,但都是天陰多雲多霧.朋友問有山行嗎,正好我要執屋,朝早執完都天黑,只好行夜山,順路睇日出,朋友還帶了一堆朋友,朋友十分跑得,但朋友的朋友只是正常山友,一日只可以20K左右路程,所以選擇最簡單入的上鳳凰賻有日出.

自從青馬大穚通車後,東涌出發上鳳凰山已經是没有難度,只要行得到,慢慢行也可以上到去,東涌行到伯公坳慢者都不用兩小時,伯公坳再上鳳頂時間與前者差不多.下山慢的應該三小時應該可以回到東涌吧,不過慢者多數都在昂平坐車走.回程時朋友的朋友們正是如此.行山慢行亦無妨,肯行就好,一日20K其實已夠健康目的,慢者不需理會快者有多快.

自己近幾年來的鳳凰觀日行程都是十二點入到東涌,慢行上八公坳,之後食同瞓,等到日出前兩小時左右再出發,收拾行裝,去洗手間,上到山選個人少點的位置,抺下汗着好衫,整下腳架相機,個天正好開始光.

日出前兩小時是日間輕裝上山時間加一個鐘多一點的結果,上山帶相機腳架背多一點,所以時間都要多一點,半小時揾位加休息着衫,日出半小時前可以開始影,所有時間加起來就是兩小時.一般人夜上鳳凰應該兩小時內,所以正常日出三小時前由伯公坳出發已經足夠.