癲傻180km

長跑網名長跑好手施sir發起圍香港跑180km活動，由青衣出發經紅磡西貢大埔元朗深井等地回青衣。

三月一朝七點正有二三十人出發，跑到九龍灣已減一半人數，之後各有人加入有人退出，到西貢市中心有五十公里還有十幾人，但由頭開始的我估約八人至十二人，再到北潭涌，已近六十公里，再繼續的不出十二人，由頭開始的不出十個。

我之後已經跟不到大隊，朋友們等埋我，五人小組到深涌時大休食蠔仔粥先再努力上路。到水浪窩後，我連朋友都追不上，朋友再減速等我。

其實五十公里時我對腳的肌肉已經好實，好在未抽筋。行下跑下只有6km/hr，到馬鞍山時有糖水補給，但已經好攰，跟朋友們到馬料水後自行休息，再行到大埔，估唔到朋友們去食晚飯等我再上路時又見面，分別後再走多個細圈加夠100km到巴士站走人。總用時15hr35min。