下星期有大作戰,今個星期短線快步先走一轉,除上次koth,近期少上山,跑青公多.路線由麥徑六段尾燒烤場開始,到大帽山士多食個杯面再返轉頭,即針草帽來回.今日算幾好跑，天氣算乾爽，朝早起步時天陰有雲，到十一點左右先見個天，我已經係大帽山。
去程幾順利，不用太快，今次都有帶心跳帶，心跳長期百六以下，百五以上都不多，近大帽山才開始攰，最攰係跑落山.到士多時見一班人影櫻花,但花不多.
回程上返大帽用了超過一個鐘,我唔想出太多力上山,怕之後會冇力,落到鉛礦坳的時間比去程還要多幾分鐘,意料之外.上草山後半行半跑,到針山腳已時間不多,上到頂時休一陣飲啖水就快步下山,再跑返燒烤場,還好未過3小時.
去程2hr40min,休20min,回程約2hr55min.全程約30km,這個時間算不過不失.
沒有留言:
張貼留言