買新鞋

八月份公司忙到九彩,星期六日有時間又要揍仔,廿幾日來只同個仔坐山頂纜車上過太平山行了幾km算做郊遊外,其他日子都在低地過活,雖然上不到山,但一樣阻不了我敗家行山用品。

今個月少有地買兩對鞋,一對為落街方便,一對為上高山.之前上嘉明湖都只是着所羅門,但今次傳說要過澗又有雪地,天氣亦比較凍,所以要買BOOT.舊鞋牌子是AKU,一年冇着幾個月前着了幾日就斷底了,鞋底前後分離,只好買新鞋,行過元朗旺角,AKU只在12樓有售,價錢比當年買已經升了幾十%,跟得上通漲.四維行見到所羅門的BOOT,價錢嘛,過千已經是定律.唔死心要買對不過千的,最後在先施見到MILLET,紅黑再反光物料樣子OK,V底大牙,坑夠深,再加中間加固不錯,最重要是價錢不過千,試着鞋底比想像中軟,足弓承托感覺良好,買後穿來上下班短途,腳底都没有投訴.

另一對TEVA涼鞋平時用來行街多過行澗(家中另有一對510,但都什少出動),用了三年多,變了做鴨嘴上下分離,入沙再加部份甩到不知何處去,只好買過一對,公司放飯時閒逛吉吉島見有減價,TEVA有七折,沙灘用品買兩樣再有九折,TEVA涼鞋都算沙灘用品,原價七百找一蚊,減到4百4左右,新鞋繼續橙加黑,鞋頭有保護,舊鞋用料多些,鞋底厚些,"鞋帶"長一陪,由底向上扣,新鞋只有自動沾貼,不過我忘了舊鞋什麼價,老婆話要六百左右,價格反映用料,希望用到兩年啦.