佳地銀

星期六一早同朋友行山,台灣打風果幾日又焗又熱,所以一早出發.太和開始,上九龍坑山落到低再上返南北大頭羊去嘉道理上返大帽探蓮姐.行緊上大帽山時見有Ingress短訊,時常都有,比人炸果陣有通知,但今次個Icon有尐唔同,打開先知90日佳地銀.

之前有兩三次89日,次次對家都好好記性,又好準時泥炸我尐山旮旯卜土

我都冇數清楚我幾粒山旮旯卜土有幾多日,最山旮旯又未比人炸既得一粒,其他都係一個上午可以炸完返回明文世界食午餐,第一時間就以為係最山旮旯果粒已經90日,但到左今日再睇90日冇再加上去先發現90日係另外一粒卜土,不過實際係邊粒都係唔知,因為都係同一日Cap既,疑似卜土有蓮花山支標同地塘仔郊遊徑頭三支標距柱,而家都已經比對家炸清光.

我印象中平時佳地銀加日子都係下午加,所以我一直以為到某一個時間先會加一日,而家似係計足小時.仲有幾粒卜土係山旮旯唔知可唔可以過到90日,傳說對家會等149日先去炸......