洛克線行程尾二日,一開始就要上,但全日上山不多,有好多平路,有兩個隊員有馬騎,加快速度.上個丫口,之後落山,再上個丫口見到蛇湖行多陣就到.丫口有尐位比較斜,一係跟馬兜路行,睇少尐風景,一係自己落地行,過左麻煩位先再上馬.比左錢有馬騎都冇乜着數,係得平路唔使自己行,相又影唔到.
上丫口
係呢邊睇返轉頭先知有個湖仔,不過都係唔會咁勤力上去攞水.
等緊後面
追緊前面
以為到丫口,換來一片雪地過左先到丫口
好彩唔大雪,易行唔滑又未會一腳泥.
後面尐馬後追,冇得騎馬,馬伕話危險,比左錢都係要自己行XD
到丫口
帶隊等我地等到悶
去到景點位,帶隊教埋咩位影最好.
平路尐馬行先,88兩位隊員
又教擺POST
再上個丫口就見到蛇湖,不過個丫口有雪,落果陣好滑,帶隊好身手,着住對'新平衡'都落得快過我地行山BOOT
又冇得騎馬,根本全日一半路程冇得騎,兩倍價錢一半享受XD
開頭以為個湖既形狀好似條蛇,睇落又唔似,除非係小王子入面果條,食左隻象果條呢,頭尾尖長,個肚超大XD
隊友做左工課,話係因為水低有紋好似蛇所以叫蛇湖,到左湖邊先見到尐紋,都幾特別.
上埋去少少就到地
啱啱到果陣幾大風,好驚半夜吹到左搖右擺,落曬繩,點知夜晚靜過鬼.
淘寶冇抄足BA,左右少左個繩位,低下個繩位扣造工唔夠靚,風繩粗又鬆,釘就掉左佢,自己買過尐靚釘啦.條骨差最遠,不過個價反映質素,真係平好多,一般係夠用.
有個騎馬都係死死下,要入去石屋住,繼續比煙燻.
