好耐冇上山,根本就好少旭,肥左2KG,試過跑20KM都想死咁,問過朋友會唔會好快,唔跑喎,上山慢慢上,好啦,都信住先.朋友話30KM左右,港島都易走佬,傳說向一個方向行,總會行到出馬路有車坐.
好鬼早筲箕灣等坐小巴入香港島最東.上鶴咀山,之前上過不過條路唔同,朝早有毛毛雨,攪到行冇耐對鞋就已經濕曬,上完鶴咀山就落返馬路,過對面座山上龍脊,有支標但唔知咩名.
支標冇名
接返大路開始多人,話曬都龍脊,朋友話一路向西,越西越多人,又真係冇講錯.龍脊都算早,之後接返港徑,估唔到連去柏架山條小路都有人,仲要成隊行山隊,之後都好少位冇人,連爬上聶高信果個位都有人一齊爬,舊鷹咀石當然有人打卡啦.
打爛埕
歌連臣山
柏架山
畢拉山
小馬山
渣甸山
紫羅蘭山
聶高信山支標冇影到,支標圍住左,又有人排隊影,朋友影左張就閃人.過山頂,雪糕車伯伯尐雪糕都賣清光,西高山更加唔使講,一堆人未到黃昏已經霸定位打卡.估唔到黃昏前咁多已經到左西高山,於是朋友決定去摩星嶺影日落,足球場上,馬路落山.四月尾算夏天啦,個太陽遲落山,我冇乜力啦喎,朋友話不如走埋去西環泳棚影日落.好彩落山,最後走到泳棚一堆人等日落,個太陽都仲未近水平線,跑死我,幾個月冇玩過30KM,仲上左咁多個山加加埋埋上左二千幾米.
金馬倫山
西高山
摩星嶺
落山果陣個太陽都未夠低
最後走埋去西環泳棚影黃昏,好多人排隊,情侶佔七成.
太陽同水平線仲有段距離
最後都係冇等到日落,影左相就閃人,行返上馬路去揾食.朋友帶我去食可可店.幾個月都冇乜大消耗,食量唔多,估唔到叫小菜係比成碟飯,我減左一半比朋友,四十幾蚊,飲品又大杯,抵食又好味,劏港島晚飯好選擇.
沒有留言:
張貼留言