十月倒數

十一月一日會跟朋友去四川轉山,一去12日,各團友都在收拾行李,一個大一個細再加一堆外掛,一個睡袋已經位了20L位,再加個四季營又佔了20L位,加七日山上食糧,還未計衫褲鞋襪由頭包到腳,又有雪地又要過澗,仲帶相機,一換鏡一GR一防水DC,大腳架,一堆電,到當地再買高山气,老婆都懷疑我帶住那麼多行裝行唔行到十步.

自已一個人用個雙人營,同個特大-20度睡袋實在用了太多位,不過有太多未知因素,有備無患,香港只要一個28L已經可以放個Lightwave,加套衫,加COOKSET加兩餐糧同罐八寶粥夠兩日一夜,再凍些又或玩三日兩夜都不過40L背囊,65L已經係旅行一週時用,65L+28L好像還是第一次.

個寄倉袋都差點收不下個65L,因為外掛太多,收起了懶得開返出來影相.

個腰包是相機