燕槍穗高連走(二)

全晚都有雨,半夜更係橫風雨,好彩冇太懶,壓住四邊既石夠重,個營到偏埋一邊都冇事.最唔鐘意雨中露營,最怕入水整濕個睡袋,個營濕漉漉,收果陣好鬼煩.好彩朝早都停雨,唔使雨中收營(不過之後係平湯都係避唔過).努力揚起同營低地蓆,盡可能甩走尐水.

外帳地蓆都是水

半夜吹到個營都打側,有幾次嚇得我手腳都撐着兩邊,驚條營骨第一晚就斷比我睇.

外面白芒芒

出去就係為左攞個便當,攞完再係入面食早餐,日本厚方包兩片塗果醬,好似係橙味.

收好個營果陣尐人已經走曬,佢地好鬼早出發,我未開始收營,佢地已經起步,去槍岳啫,唔使咁趕喎,地圖冇危路,即係正常路啦,計過正常路個時間我都跟到既,唔正常果尐就無法,太唔正常,好難計.一路行都有霧,不過風景唔錯,如果有多尐紅葉就一流.

呢間唔知有冇得住人,係外面𥄫過都唔覺入面有人.

個人唔知去左邊,得個背囊,好大機會上左去觀景台.

好大霧,不過一路都有尐紅紅黃黃點綴下

估唔到咁高都有馬騮.

遠遠見到前面有人,不過冇追,因為見到另一個牌,就走左上西岳頂.

係西岳頂影返西岳山屋

中午啦,餓餓地,大天莊個便當比想像中豐富啊.

正常路爬梯,之後果兩日唔正常路爬釘,釘都冇就@#$%.

好近槍岳啦,睇就係,都仲有段斜要上.

行左六個半鐘到槍岳山莊,去買野飲先,再比錢霸左個位,到果陣已經冇左大半,個營地唔似大天莊咁一大塊平地,係一格格唔同大細,我個營比較長,扎到前面冇位要打斜扎.休左陣就上槍岳,又係是但放野係個山莊到,帶水,乾糧,相機就上去.

終於到槍岳山莊.

大細尺碼,按人數比個營位.

上,等爬梯.

上左大半影返落去.

個頂,風景幾靚.

槍岳頂唔難上,正常咁爬梯就得,人有尐多,等下就好,山頂風景幾靚.睇左陣就返落去扎營,早尐瞓第二日早尐出發.

營地

白色果個金仔(6,7百USD),土豪既象徵.

晚餐仲有牛肉湯,呢個好味

日落

明天路段指示,只可以話距離同時間係無關係orz