燕槍都唔難行,係開頭唔多習慣揹咁重行山,平時係香港都唔會揹咁重上咁多,仲要着住對刮腳既高筒.呢日終於行到麻煩位.我已經早尐出發,不過都係唔夠日本人早,佢地跟本未天光已經開始收營,個營仲濕濕地喎,仲要食早餐,佢地係咪四點起身架,我仲未瞓醒,朝早又凍,最凍得四度,真係唔多願起身.煲水食即沖飯早餐,收架餐去山屋攞便當,終於行,個太陽已經升得好高.
好多雲
太陽係尐雲後面,日出都未6點.
個營牌大到= ="(其他人已經走曬)
便當,包綠茶即刻飲左佢.
回望
前面
尐路都仲好正常.
中岳頂上
可以去天狗源,有天狗池,有槍岳倒影,不過我冇去到.
南岳
南岳小屋
南岳之前都可以行快幾步,過左南岳之後尐路開始唔正常,鐵鏈,釘,見到梯已經好開心.有釘都好過咩都冇,得個箭咀指你行出崖邊,之後又見唔到接住既箭咀果尐最煩,唔知行邊,最後可能雞手鴨腳咁翻過舊石先見返尐箭咀,有時就行錯,行行下唔對路,行(爬)返轉頭係唔同角度先發現返尐箭咀,總之就係攪到行(爬)得超慢.
鐵鏈
梯
呢張放到最大,見唔見到條"路",揾唔揾到中間有條梯?
留意上方既"梯"
佢都係獨行既,前面已經遇過幾次,我休一陣佢又追返上泥,有時過一陣又見佢休,到我行先.
上上左右交叉上上圓圈上上右上交叉右右上......
爬梯同爬釘,特別放大張尐
我諗呢間會唔會係全日本最難上既山屋.
餓死我
行到有個位,唔係特別險,但兩邊都係石,中間個人涉中間慢慢落,點知兩邊石頂左側邊既水樽出側袋,突然聴到有野跌落地既聲,轉頭一睇已經見到個樽飛身跳多兩下,最尾果下落差比較大,可能有兩米,尐石又夠硬,我見到有水花四濺,可能已經爆左個洞,跟住就影都冇咁飛左落崖,屍都見唔到.個水樽連水咁離我而去,我都冇計,向前行一定會渴死,只好返轉頭,就行左一陣又爬過左個崖,見到之前果個獨行日本人,以為佢係前面,原來佢係後面冇行先,見到佢就話佢知我跌左個樽冇曬水,諗住爬返去北岳,過夜第二日先繼續.點知佢話佢有水1L,下午有霧冇咁曬可以飲少尐,夠去埋,一齊行埋佢,會睇住我.真係好彩,咁就跟住佢行,佢唔多使休,又唔使揾路,同某尐CLS一樣聞到條路係邊,只係知到跟死我,中途頂唔順叫停左休返陣,好啦,休一陣係放低背囊飲啖水收返好個水樽又揹返起就行,停左一分鐘呱.
水樽失蹤位
救星
行到睇隻GPS錶都仲有1KM,但我隻錶有時又會計少尐,可以開電話睇既,但開得泥不如行好過,唔係呢座就係對面果座,過埋就見山屋,下午起霧,救星都有尐心急,我都有,我都唔想係霧中爬崖,路都見唔到真係會跌死都唔知點解.見到前面兩座山又見唔到山屋,心諗大鑊,仲有一座要爬.
唔係掛,仲有?
頂,自己嚇自己,到啦,涸泥岳係穗高岳山莊前既最後一座山,因為中途爬左好多座山仔,以為前面呢座都係山脊之一,已經爬到痴鬼左,見到個牌就安心好多,最多慢慢爬落去點都唔使入黑,仲見到有人係山頂,多尐人心理上安心尐.望多陣唔對路,山頂尐人個樣咁輕鬆既,再望真尐,X街,有樓梯既,山莊上涸沢頂係有樓梯架!!!係樓梯唔係爬梯,仲容易過上槍岳頂.兩邊好大對比,一面天堂一面地獄.救星見落山條路冇問題叫我落先,我落山莊買返支野飲,攞埋個營地牌,1000円包無限水任用,厠所都係要比100円,但係都抵啦,之前係槍岳到用3L水都已經600円.出返山莊,見到之前山頂見到既日本人返落泥,再等多陣就見返救星,捉佢去山莊請佢飲返支野,多謝佢帶到我去穗高岳山莊.
涸沢岳3110M
影返爬過既路
穗高岳山莊真係天堂
行(爬)左我8個半鐘orz
未到日落已經起曬霧
起完個營太陽都落山.
穗高岳山莊好大,大過之前見過果幾間山屋,人都多尐,連營地都唔係好夠,我攞扎營個牌已經12X,我起好之後仲有人係我附近起營.之前兩晚有時有燈照有時半夜都仲有人吹水都唔算可惡,呢晚遇到係山上露營最可惡既事,隔離個營係到烤肉,肉呀,係塊排係煎Pan上面"炸"一聲之後尐肉香味傳過泥,有冇諗過我呢尐食即沖飯既人既感受架orz
晚餐有蛋花湯,即沖飯加味噌鯖魚
食飽唔想旭,但朋友係另一山頭話滿天星,咁就出去影下銀河.
沒有留言:
張貼留言