6666666788778

標題跟之前一樣都是麥徑,第六段由大埔道開始來來回回六次,一次約45分鐘,夜晚十一點半開始,第五次走到122就回程匯合朋友,大約朝早四點半再出發行678,在荃錦坳食杯麵做早餐,再行87回到城門.

城門的汽水機全都壞掉,食了我十幾蚊.幫襯雪榚車伯伯食個甜筒,再食自己揹了十幾小時的麵包,休息一陣再上路,但腳板低又開始痛,所羅門的跑山鞋着軟後好舒服,但好快就打柴,備震能力急轉直下.到大帽頂後只慢行下山,再同蓮姐買串魚蛋就收工.

全程約70km,上高約四千三,但用了約18小時,好眼瞓.回家瞓飽比食飽還重要.

第六段好多人,近期下雨城門燒烤場都有人燒烤,那時十二點幾.我跑到一點幾還有人駕車去餵馬騮,其餘還有些被我"趕"走的情侶車.沿途常有狗吠聲,但没有攻擊姿態,見我跑過都没吠我.狗吠可能是吠其他狗和野豬,在走私坳附近,我見一家野豬在我面前走過,那時狗吠聲最大.

3456788

星期五晚九時於北潭坳起步,慢行留力向大帽山方向前進.約四點半到大埔道,但好景不常,尾尾五百米落斜後上石級前有一突出樹根,同伴未有留意被跘倒,一時血流如注,幸好未傷及筋骨.雖未能止血,但没有即時危險,休息幾日又是一條好漢.

傷者回家,其餘同伴繼續上路,到城門時已見天邊發光,頭燈可以收起.上到針山還可以見日出加雲海,可惜没有大機隨身,好一幅水墨畫不能拍下來分享.到鉛礦坳時傳來雷聲,眾人安全起見提議行TNF路線......可惜五人中有四個人行過但没有一人可以行對路,有經過肥佬墨,但行不到川龍,更難講大帽山,最後出口又是城門水塘,眾人爆笑後收拾心情打的上荃錦坳.

這時又有一同伴夠里數回家,只剩四人打的去食早餐.其中一同伴朋友神級義氣,專車送早餐加飲品,毅行如果有這種級數十卜,可以快一成時間.這個時候有一朋友加入,但又有一個同伴腳痛退出,仍然四個人上路.

行近大帽頂時雷聲交加,但已經好近山頂,於是加快步過頂下山,意想不到的是下山的路其實頗空曠,人在其中,雷聲在頭頂,頗嚇人,更得人驚的是,真有幾下閃電直閃到附近,最近的一個還不到五十米遠,近到覺得有生命危險,閃電後還可以聞出一陣焦土味,四個人在狂風暴雨中不理身世,衣衫盡濕衝下山,事後想清楚其實應該着防水風褸保持衫乾褲乾,導電效果差才更安全.

到鉛礦坳時全亭都是人,本來想上山的都轉軚了,剛下山的都濕了大半,在亭中收拾整理.我都整理一下自己行裝,發現電話全泡水了,已經不能正常開機,平時用的防水袋受不了這般大雨,都是要用保鮮袋才是上策.衫褲又濕,換過衫就懶洋洋,別過同伴,跟朋友一起行到菠蘿霸坐車回家結束3456788之旅.下次下次,下次大概可以.雙"雙坳"只是UTMF的三份二,現在覺得UTMF真的很可怕.

本來幾張針山相可以點綴一下,不過手機壞了,自然什麼都没有啦.

7887

下星期有大作戰,今個星期短線快步先走一轉,除上次koth,近期少上山,跑青公多.路線由麥徑六段尾燒烤場開始,到大帽山士多食個杯面再返轉頭,即針草帽來回.今日算幾好跑，天氣算乾爽，朝早起步時天陰有雲，到十一點左右先見個天，我已經係大帽山。

去程幾順利，不用太快，今次都有帶心跳帶，心跳長期百六以下，百五以上都不多，近大帽山才開始攰，最攰係跑落山.到士多時見一班人影櫻花,但花不多.

回程上返大帽用了超過一個鐘,我唔想出太多力上山,怕之後會冇力,落到鉛礦坳的時間比去程還要多幾分鐘,意料之外.上草山後半行半跑,到針山腳已時間不多,上到頂時休一陣飲啖水就快步下山,再跑返燒烤場,還好未過3小時.

去程2hr40min,休20min,回程約2hr55min.全程約30km,這個時間算不過不失.

Koth 大埔

星期日我好有閒情帶住心跳帶比賽,久不久就拉返上少少,可能唔拉都唔會跌,我只係以防萬一,反正我不快,中途都停了幾次.時間比四年前還要慢,四年前不用五小時.對inspire10 還是不合腳形,左邊正常腳投訴,跑了半程就開始投訴,除鞋整了兩次.

有趣的是有一半時間心跳都159或以上,竟然算是無氧運動,不知是我心臟太弱還是我年紀太大,紅線還有13%,但我只覺得尾尾有這個情況,我怕後面追過我,好努力地跑.

跑完有個數據可以了解自己平時去到什麼程度,還可以再盡些還是應該留力.

Topeak Panobike Heart Rate Monitor

之前說小米2S 刷 CyanogenmMod 11為了BT Smart心跳帶,等了10日再等到星期六,等了又等後,在英國網店買的貨終於到手,就是Topeak Panobike Heart Rate Monitor.網上找過一堆BT smart4.0心跳帶,只要hkd$500就買到,這個平得來又大路,可以連線又没有指定手機形號,加上網上用家評語不錯,單看心跳帶的結構就知比舊式的硬帶好多了.

小米重開機,轉cm11,載好心跳帶,開runtastic,找heart rate,點知要pro先用得,找topeak出的app,但小米又唔可以安裝到,計算錯誤,最後用Endomondo sports才証明到運作正常,但Endomondo sports的界面又不怎習慣,之後又下載幾個app晚些再試.

題外話,今次由英國寄到香港比上次慢了幾日,真係以為寄失,還好最後都平安到手.以後都不靠郵局通知,自已多些看信箱好過.

癲傻180km

長跑網名長跑好手施sir發起圍香港跑180km活動，由青衣出發經紅磡西貢大埔元朗深井等地回青衣。

三月一朝七點正有二三十人出發，跑到九龍灣已減一半人數，之後各有人加入有人退出，到西貢市中心有五十公里還有十幾人，但由頭開始的我估約八人至十二人，再到北潭涌，已近六十公里，再繼續的不出十二人，由頭開始的不出十個。

我之後已經跟不到大隊，朋友們等埋我，五人小組到深涌時大休食蠔仔粥先再努力上路。到水浪窩後，我連朋友都追不上，朋友再減速等我。

其實五十公里時我對腳的肌肉已經好實，好在未抽筋。行下跑下只有6km/hr，到馬鞍山時有糖水補給，但已經好攰，跟朋友們到馬料水後自行休息，再行到大埔，估唔到朋友們去食晚飯等我再上路時又見面，分別後再走多個細圈加夠100km到巴士站走人。總用時15hr35min。

家欲敗其財,必先利其器

網上敗家有時好煩.

大前提不要用VISA,千萬不要用VISA,千萬一定不要用VISA.

VISA驗證出道至今仍然未可以在各銀行/OS/BOWSER間正常運作,我用東亞VISA,除了少數KOTH(上星期朋友眾會又講以前齊齊玩大埔KOTH,所以又去報名,$100好抵玩.),渣打馬拉松同少數網站成功用過外,失敗率有九成以上,有時不用入密碼就可以過數,但有時會彈出一板入密碼的細網頁,但近年極少成功,最後都要用MASTER卡.

由另一方面睇,VISA是比較安全,最少係敗家程度上.