十月倒數

十一月一日會跟朋友去四川轉山,一去12日,各團友都在收拾行李,一個大一個細再加一堆外掛,一個睡袋已經位了20L位,再加個四季營又佔了20L位,加七日山上食糧,還未計衫褲鞋襪由頭包到腳,又有雪地又要過澗,仲帶相機,一換鏡一GR一防水DC,大腳架,一堆電,到當地再買高山气,老婆都懷疑我帶住那麼多行裝行唔行到十步.

自已一個人用個雙人營,同個特大-20度睡袋實在用了太多位,不過有太多未知因素,有備無患,香港只要一個28L已經可以放個Lightwave,加套衫,加COOKSET加兩餐糧同罐八寶粥夠兩日一夜,再凍些又或玩三日兩夜都不過40L背囊,65L已經係旅行一週時用,65L+28L好像還是第一次.

個寄倉袋都差點收不下個65L,因為外掛太多,收起了懶得開返出來影相.

個腰包是相機

93/156

星期五上午仍努力返工,下午放飯後回家打算小休,但事與願違,回到家仍然要做公司工作,還好近五點可以出門坐車不用太趕.

到起步點整理行李再感受下雙腳,仍然拉緊,一時時有刺痛的感覺,還真是第一次未出發就痛.出發前貼止痛貼,希望可以順順利利.其實有止痛貼已經好好多,正常應該連港島段都未完就要痛到跑不到.

時痛時唔痛地行下跑下,有時回光返照還覺得跑得幾順,但自知不可一次跑太多,怕一痛不可收拾.計埋地鐵到洩塘都只用了3小時,後面約十個SOLO參加者.之後油塘上井欄樹約一點五小時,有朋友不怕山長水遠半夜打的來陪跑,實在感激.

跑到沙田坳,還可以跑下行下到大埔道,時間還在預計之內.朋友朝早要回家,自已到城門,休一陣再換止痛貼,食雪梨餅乾飲湯又出發,人來人往想瞓又瞓唔到,之後經過大草地見個停就瞓左約廿分鐘,瞓一陣好好多,雖然都只是行,但個人精神返些,落大埔又遇到狗,對望一陣佢讓路,還好只有一隻.

到九龍坑山腳時已用了13個鐘,太陽出來了,前後都見不到參加者,約4.5個鐘到仙姑峰,下山再到南涌已用了約19.8小時,換止痛貼休息用了約1小時,之後出發上仙姑時已入黑,過了八仙,到了黃嶺時,腳板底開始有問題,下山時特別多刺痛,到了鶴藪平路時竟然行每步都痛,到CP時約用了26小時,還有63km/22hr,CP4夠時間,但港島段可能超時,93km後腳痛就剪帶了.

比上年多了十幾km,但還是無完成,下次早一個月試過百,而且分三日.休了幾日,行無問題,跑一陣應該都冇問題,但有時會刺痛一下,一星期停跑,下星期再試跑平路.

後遺症

上星期預行一次油塘來回,只有比賽全程的3/4,但已經對雙腳做成一定傷害,回程上返沙田坳行引水道時腳板緊,我以為幾日就好,但好像過份樂觀.隔了一星期,今日只行了香港段大潭起步,留力行加慢跑約三個半鐘,近三個鐘時就腳板緊,再變少少痛,還好未變成勁痛,最後慢慢行到鰂魚涌地鐵站.

看來連走過100K還是未能適應,以前行五十後回家,第二朝再行,但今次單單去程都行到半夜10點,如果回家瞓醒再出門,回程一定行到第二日返唔到工,如果再有下次,可能要分三日,星期五晚過香港島行十幾K先,第二日再行油塘到大尾督,回家瞓幾個鐘,第三日再由南涌去大埔公路,大前題係如果未過十點.未必感受到捱眼瞓的痛苦,但對腳有時間休算,可減少傷害.

上次痛到回家都仲係一步一痛,希望今次比上星期好,最少回休息後行都没有刺痛的感覺,上次休一星期,今次都有五日休,好彩的話全程唔發作就好,但自己都覺得機會好渺汒.

仲有就係今日見到雷利絲帶,比以前專業得多,有雷利標誌,不是求其一條全色那樣,往年有些人跟了其他行山隊絲帶走,今年應該跟到正路吧.

油塘大尾督來回

備戰156最後長課,油塘行衛徑至仙姑峰山腳右轉至大尾督來回,原本有朋友可以夜晚出發由油塘陪行至大埔道,但身體不適,我又不想同村狗晚上單對單咁浪漫,所以轉做星期六朝出發.

轉了出發時間,各段辛苦程道大有不同,我到九龍坑山腳時已開始入黑,九龍坑山八仙嶺都是没有太陽曬,如正日比賽以我速度,正是來回都曬太陽,我預時差最少兩個半小時.還有正日要兩晚通頂,我只通了一晚,第二日下午回沙田坳時極度眼瞓,閉目休息變了小睡都不自知,還好會自動醒.

去程用時約十四小時,可能因為還有體能,所以睡意不大,没有睡,休一個鐘後就回程,回程時小休變小睡最少兩次,時間不詳(自己都唔知),回程用了近20小時,明明去油塘只有3公里,卻用了我45分鐘.星期六八仙嶺晚有很多人行,夜至十一時還有人下山去大尾督,到兩三點都有人上山,由大埔頭出發.

照計加香港島段來回如果十小時完成應可順利限時內完成,但回程時未到沙田坳,雙腳已經投訴,再行30km時間需時多小實在難料.

題外話沙田坳士多的豆腐花不錯,但魚蛋就不要食啦,感覺好膠.城門雪糕車呀伯九點半都未開工,差些想放棄,幸運地遇到行山前輩比兩包餅加個橙,比執到錢更開心,這才可以行回油塘.

四季營，又係淘寶貨

十一月要上高山行山，所以又要去買隻四季營，之前去嘉明湖其實都高山，但不用扎營，有山屋，一切都簡單得多，今次食住睡都要自已帶上山，還好的是有大部份日子有馬匹幫手。

香港用不到四季營，我高山露營又不多，今次還是第一次，再下次不知何年何月，所以還是買個便宜的，可以保暖防風夠硬淨就好，當然其實還想有更多要求，不過睇錢份上就算了。

之前已經係淘寶買過一次營（2013年四月），用過約十次，風繩已爛，幸好冇穿洞，大風時要小心點，用另一面拉繩。新營比之前那個還要貴，亦更重，主要就是骨比較粗，內帳有兩層，中秋前試過放上大東山一星期，安全冇事，可能粗骨真的有作用。為了輕一點放棄了大廳，山上如果大風有個營擋風水都快滾些，人亦不用吹住風煮，但最後都是錢作怪，不然會買天越2plus。

隨營付送的營釘不要用，另外再買吧，我用一次，曲了三支釘，可靠程度等於零。

打風,渣打,HK100,仲有仲有

話說打風時面書被打風消息洗板,我又只看個風仲頂到幾時,睇住出面橫風橫雨又睇下新聞睇到改三號出門返工,返到公司先想起今日要報渣打全馬,可惜為時已晚,網上說十點左右已經冇位,我記起要報時已經係十二點既事.

渣打因此放棄,專心一致報HK100,報名差一日,比賽差一星期,現在渣打報不成,少了一個擔心可能更好,我都不肯定一個星期夠不夠時間復完.

今年HK100報名不是先到先得,還要抽獎才可以玩,要比錢玩還真不簡單.今年運氣都不知算好還是差,報個名竟也可以有山窮水盡疑無路,柳暗花明又一村的境況.4個100KM過了明天就只剩大嶼100在十月一日的報名,如果HK100抽不中就只好記實十月一日啦.

九月十九日還有第一個香港非山路超馬比賽,但奇在至今都不知報名要幾錢.仲有環大帽山,不過只見路線圖,仲有仲有傳說中的傳說,路線都未見的百六KM比賽,所以想比賽的都不用太心急.

一星期約100km

今個星期星期一中秋公司早放,第二日又紅日,於是中秋正日放工後跑了一個全馬,紅磡跑到小欖再跑回青衣,到小欖27km加15km回青衣,有氣冇力地慢慢來都用了6個鐘,第二日難得老婆放人,去了城門走一轉,本來想到大埔再上九龍坑,但那天又濕又熱,好彩有風,上了針山已經不想上草山,打橫走到鉛礦坳落碗窰已經没有時間上山,回城門直出菠蘿霸,估計約21km.

太耐冇連走兩日之後要休返兩日.星期五放工才有力氣去運動場試下跟以前實力還差多少,跑十個圈還好,但已經不想跑,休下跑下共跑了約10km.星期六朝早一早出門跑了21km.

星期日没有跑,一家去玩,又休息下對腳未,一星期100km不算辛苦,但時間要分配好些,星期六返學用了半日,紅日夜晚要飲,時間安排好緊,明天又是一個星期開始,又要諗怎樣先可以夠100km.