能高安東軍前

人有墮生,我呢尐懶人一懶就真係懶到低,所以久唔久要刺激一下,好似人地就死要CPR按幾下先得.報左個十公里,報埋個渣馬,見到宣傳E-mail,mail台灣能高安東軍成團有位,又去報.

好而冇旭,熱身走左去練負重,有個星期係彩虹出發行去西貢露營,本來諗住露完一晚行返彩虹,但係揹咁重行一個人行好悶,頂唔順就坐巴士走左人.

北潭坳營地真係冇乜人,好多昆蟲,仲有大蜈蚣,帶左拖鞋都唔敢換.夜晚有野豬係附企行來行去,開始都熱,好彩半夜涼返,都幾好風,好好瞓.

麥四逆走

下午雞公

北潭坳營地真係冇乜人

之後仲有比隊長捉左去行大嶼山同香港島,佢尐比賽試路.大嶼山鳳徑改路避左二澳,但條路勁少人行,尐草密到見唔到腳,仲要見到蛇,夜晚行就真係CLS,一定仆咁幾個.香港島果日就唔上得多,行下跑下,都好耐冇行咁長,由朝行到晚,仲要全停黨鐵加過海巴士唔去九龍,最後坐巴士過海再行返屋企,成日加加埋埋都有50K.

好似有練過又好似冇練到尐乜咁就出發去台灣.睇返原來上次無名甘薯有C+,今次全C,雖然日子多尐,但應該易尐.

菲林

話說要清雜物,尐野收收埋埋,好似尐松鼠咁自己收埋左但又唔記得.

堀返尐菲林出泥,查返個BLOG,原來有尐過左六年:

亦有尐放左好耐先用既,估唔到曬出泥都仲係唔錯.

今年富士加左兩次價,一筒幾錢都冇問,問左都係傷心(傷河包),曬相加Scan一筒120要90蚊,一筒120富士正片60左右,即係玩一筒就150蚊起,唉$_$

好忙但又好懶

四月之後就停左寫BLOG,主要係因為有事忙同懶,五月有跟K先生去玩爆林餵蚊做Mission,不過懶冇寫到,之後就開始比人鵝要做野.

Mission途中美境(餵蚊)

六月就忙,山都冇行,全路跑,有時跑廿零K就收工,個腩開始大.六月尾有玩環島,叫埋隊長一齊玩,隊長口水多過茶,比人話,一氣之下就Chur人跑,好快就Chur到成隊散曬,隊頭唔見隊尾,無眼睇,由佢Chur,我食花生,係後面慢慢跑,最後佢攪到成團人散開唔知幾多節,唔知幾多人一半未夠就比佢攪到爆左.赤柱之後反而慢行,佢冇帶煩士林,磨到下面痛,攪到跑唔到XD,過埋海洋公園就閃人,又得返我一個.之後追返尐人,好多人都關心佢去左邊.

開始有31度,下午有雨涼好多.

呢條路終於開通,但又唔可以通曬,中途要爬下欄先得,但直線唔使過馬路,爽好多.

七月一就照舊玩雙尖雙咀,有陰天一陣,跟人行左新路,係錦上路曬少左,上完大帽之後又有人帶路係金山果頭左穿右插,落返平路係美孚都仲有尐力跑,最後都冇超時完成,算好彩.

而家七月尾總算攪掂得七七八八,可以開始修下個腩XD

清理雜物揾到好多以前收收埋埋既野:

第一屆大嶼50

第一屆大嶼100

話說今日又手殘去左報名2020大嶼100 = ="

兩日一夜全麥

又全麥,三日三夜試過,兩日兩夜試過,今次試兩日一夜.主要分別係朝早先出發同放工出發.

放工出發可以夜晚九點起步,行兩個鐘到浪茄,第二朝八點係浪茄出發,兩日一夜朝早坐車入北潭涌,我今次入到去八點半,九點先係潭涌出發,少一晚就差大約三個鐘路程.

照數計,兩日分開應該每日50km,但係上次試過,後50km係會易行尐,第一日同上次差唔多遠,行左11個鐘多尐46km,係基維爾就停低扎營,如果唔停繼續行,我應該去到筆架山先扎營,回歸停亦可考慮,但印象中有時有狗.

第二日行54km,唔夠上次咁早出發,上次有晨運客叫醒我,今次係醒左唔願起身,最後7點左右先出發行左14個鐘先到屯門終點.

8:53厠所

8:55傷健樂園

9:00起點

10:25東霸

11:20西灣山

12:00 大浪西灣

1:43北潭坳

2:00過馬路上嶂上

4:36水浪窩

4:49起步

6:36昂坪

8:07第一日收工

9:29食杯麵

6:36開始收拾

7:00左右起步

8:17沙田坳

10:21九龍水塘

11:12城門

11:27食甜筒,自己尐糧又唔食,得個揹字Orz

11:47水霸

12:26針頂

11:28草頂,之後就越hea越多XD

3:45四方停

4:13波頂

5:18蓮姐,食左10粒燒賣

6:40田夫仔

7:09吉慶橋

7:36仲有10km

8:17仲有5km

尾尾落村有狗,會吠果尐有鎖住,有兩隻冇鎖,一隻係路邊瞓唔理我,一隻瞓中間,見我就起身行埋一邊,超乖(>3<)

9:04完

今次食物帶多左,天氣熱左,預寒衣物可以帶少尐,但水又揹多左.換左副超,輕左XD.有諗過帶露宿袋,但係我果個凍尐先啱用.又有諗過唔帶羽絨被‎,好彩有帶,三四點果陣都幾涼.今次唔連水7kg左右,想再輕尐除左糧唔好帶太多外,我個營已經係極限,轉無骨營或露宿袋先再輕到.個爐同gas都可以諗諗,今次都只係用過一晚煮杯面,酒精爐或酒精蠟可能係另一個選擇,酒精蠟20g夠我煮個杯面有餘,再諗諗.