網上買鞋

我有幾次都想在網上買鞋,但都没有實際行動.喜歡長跑的人家中總有幾對鞋,喜歡野外活動的人會有更多對鞋,如果是已婚男士,千萬不要跟老婆打賭家中鞋的數目,她總是最清楚那個.十對鞋多唔多?唔覺唔覺原來自己都有十對鞋,跑山鞋X2,跑步鞋X2,行澗鞋,行山鞋,涼鞋,返工鞋,行街鞋各一,舊鞋未爛又見有大減價時就買定一對放在家中,這樣容易就十對鞋,這還未計拖鞋同毛毛拖鞋等唔出街的鞋.

之前講過覺得跑山鞋越來越貴,所以上網看其他品牌跑山鞋評價,找一個便宜點的替代牌子,如果香港都有得賣就買,没有的話都想網上買,最多預大一點.事實上看到香港常見的品牌價錢都比香港貴,比香港平的不多,等到特價,又或者去特賣場找一找,可以已經到心水價,有時差二三十,就算貴丁士,但可以即場着上腳試清楚,不用等一星期,果丁士就當速進本地經濟.

有些品牌香港有售,但款式有限,我有想過買Inov-8的跑山鞋,但香港不多見,朋友話香港有賣,但未必有我想買的款式,我八過幾間就放棄了.正研究心頭好時看到評價話係零備震,前掌落地才可以着,可惜我是腳跟落地,再找一堆前掌跑山鞋,兜兜轉轉最後發現新平衡的MT00,又再轉戰香港的特賣場,最後四百多就帶回家,網上標價仍然是八百多.

以鞋種計(跑鞋跟跑山鞋算兩種)買鞋始終係一年買不到一次,小朋友反而快高長大,有時見有運動舖清貨斷碼,買大一點,好快就啱着,越細個換鞋越快,半年一對,買正價唔化算,有時鞋都未爛就要換,買正價太肉赤啦.