儲里數中

對腳剛剛康復,腳板底跑了幾次都没有大問題,星期二開始加多些里數,朝早在家附近跑了約9 K,放工跑回家有16K,這樣一日就有25K了.今日再去運動場跑幾次短跑,還不大如前,1K過了4分鐘,連5個四百都保持不到2分鐘一圈,退步不少呢,希望不要再傷但又可以加強里數同速度.

下星期二有時間的話再試運動場10K,希望50分內,都不敢希望46分.今日快快慢慢加加埋埋又有8K,兩日就33K了,星期五休息,星期六再慢慢慢慢跑30K,星期日再約隊友行四十K以上,今次想由南涌開始,到大埔道已經有40K,如果時門還早未入黑可以加料到沙田坳幫襯埋士多才回家,行返落黃大仙的話有50K,我想太多了.

現在一路寫BLOG其實都一路轆腳板底,以防復發,運動場跑得快,單方向又常轉彎好易傷,所以我不是練速度都不會去運動場.

連續兩日跑以前都試過,不過少兩日都跑長,廿K加廿K已經夠跑全馬.當年毅行前5段,後5段連續兩日跑完,實在值得懷念.

9K

16K