Epson MZ-500B

之前6月我去台灣,老婆去日本,叫佢幫手買隻GPS錶返泥,其實隻表出左成年有多,但冇乜需要長途操練所以就冇買,今年想報HK100但唔中,UTMF2016年改左要兩個100K賽,轉左去玩荃打火(大嶼100趕唔上限期),老婆順路就買隻返泥推下自己操長課(結果過左三個月都係未操長課).

玩左幾個月,前兩日竟然出新版(靚尐,貴500),錶面同個色都靚左,仲有藍寶石版(硬淨尐,再貴約一千),最開心係有新firmware更新,佢個menu有英文啦,原本佢得日文,要翻譯先用得到.

介紹
說明書
下載軟件(下載data)
下載軟件(連web上載data)
更新

更新完就得?伏呢家野呢真係無處不在.更新完係收唔到GPS既,收唔到會連時間都更新唔到,差唔多等同變磚,攪左兩日,試完又試,終於睇到說明書最尾尾P.107左右上下四個制一齊按下去,REBOOT過隻錶,嘩,睇到呢板先至係絕望之中睇到一絲希望.

REBOOT第一次見佢係到掃GPS,個指南針有反應,但個人係屋企,收唔到GPS,帶隻錶落樓,佢唔係好識跟住走咁.係個空曠既地方再REBOOT一次,今次識話收到GPS五粒星,再升一次時間,自己攪返時區加返8個鐘,終於正常返.寫出泥希望幫到有需要既人啦(雖然呢隻野應該冇乜非日本人買).

9月後半

呢兩個星期都係咳,睇返上年,原來都係咳到甩肺,今年冇甩肺已經算好好.九月頭行埋香港海岸Mission西頁果邊之後只剩大埔果幾個,想一次過行.天氣唔好就當然唔去,天氣好又去左露營,十月一可能又去露多次,不過都係要睇下個天又要睇下個肺甩未.

大嶼山有個露營位講左幾次去都係冇去到,今次帶埋個仔去,路唔難,不過少人到,有水有燒烤爐.夜晚執松果同樹枝放係個燒烤爐燒,個煲低黑曬,不過幾好玩,帶左兩支氣冇用過,早餐都係咁燒,最難係個火冇得控制,有時會過火.

夜晚都幾多小生物,蛙,蛇,仲有貓(夜晚果兩隻貓眼有尐嚇人),冇狗就得.營地冇乜景,可以抬頭望到星,日出日落就不用想,遇上中秋後兩日個月光光到瞓唔到.

樹蛙?夜晚行一陣都見兩隻.

早餐

星期六去香港島UPV,香港站行去維園,未到已經夠數,之後坐釘釘返香港站,係附近又行一陣V多幾十先走人,仲有好多地方未V過,冇諗住追25%,夠三百多就手.

星期日就跟施SIR去跑步,神人跑到3萬km,尾尾八十幾km想有同好一齊跑,我去沾下光,迫自己跑長尐,近期都冇長課,最長都係得放工跑返屋企,仲要近期咳到唔想跑.點知星期日好好天,三十幾度,之前都係夜晚跑,過左廿km就謝謝地,未到三十就跟唔上大隊,最後到33km就撤退閃人.

等好返唔咳真係要跑返轉長課,不過都係要做埋個Mission art先.

香港海岸Mission 13,14同15-18

香港海岸Mission 13,14其實係上上星期行左,就係行完11,12馬鞍到西貢之後既星期日,但係行到東霸就返轉頭,上星期就病,再到今個星期先接返,跑麥一入東霸開Mission15行到黃石碼頭.應該有人一次過行13-18,所以一次過寫,重點係有三個伏位.

由上上星期講起,一早入左西貢,但個天一早泥落雨,仲要大果種.未開始已經濕左一半,見到條路就可以放棄避水氹,最煩係部手機會接觸不良,成個機面都係雨水.

對面保良局

路變河

見到個霸即係就快完Mission 13

上到霸又出太陽

伏位1

話說我起Misssion時有睇粒卜土都冇人cap到,有尐位有卜土但由盤古初開除左飛機之外都冇人cap到,因為係地面果個位根本收唔到電話,Submit卜土果個可能唔係即場Submit.或者人地用果個台收到,但我用果個收唔到.Mission14呢粒糧船灣觀景台完全收唔到訊號,只好用秘技再回頭向上跑,上返個坳位先有訊號(可能前人都係用秘技).之後去到東霸完成已經冇心機行,跑返北潭涌坐車歸家.

之後仲要好好太陽,地面都乾埋,

返轉頭睇條路好似朝早冇雨落過咁.

今個星期個天氣啱跑好多,第一段跑到藍色錨形石剛好一個鐘,過埋條霸就開Mission15,都係麥二咁行,到浪茄西灣亭收得比較差,但企定都可以玩到,之後到西灣十字路口對面直上,而家條路好大路,有牌指往螺地墩,反而落返西灣接麥行條路好多青台,滑滑地要小心.

朝早有比賽,係比賽前行先,唔好阻人跑.

天陰好好跑

指示清楚

開到好闊

個景被人破壞晒

接返麥二,過埋橋又開Mission16,條橋修理緊,但都行到,可以唔使濕腳.天氣問題加西灣冇車,西灣少左好多人.一路上大浪坳一路睇下有冇尖可以打下,但個個都10lv,行到上坳,再開返ingress先知hack少左又走返茖去m039,其他人都奇怪我走來走去做乜.蝻蛇尖好似又"實"左,少左尐碎石.上山仲見有人出長咀方向,估唔到呢邊咁多人.

見到Mission16終點,蝻蛇尖.

落大雨多左幾條痕

好霧既長咀

山頂都好多人,聴到話落返大灣,過返東霸好遠喎,但我又冇問,唔通鹹田坐船.

落返到大浪坳開Mission17,繼續麥徑,不過尾尾去黃石方向,伏位二就係黃石家樂徑土瓜坪路口,我係收唔到訊號,又係秘技返轉頭二三十米左右先收得返.第三個伏位接住落,係連開始Mission18都開唔到,要向前行見返個海先收得返訊號,行返轉頭,秘技,再跑向前,之後就冇問題去到碼頭完成.麥一加Mission15至18用左約7個半鐘,如果做返13,14再加返一個鐘.正常秋涼天氣一日行得完Mission13至18既,應該得除非唔得.