練十km

今年冇乜點報比賽,下年年頭先有九龍50,仲有施SIR果個同自己比既癲傻246,有朋友介紹石門十公里,有跑衫送,路線又好跑,推介我試玩下.我都唔係即刻去報,諗住預尐錢報UTMF,點知報名果日未放工已經有朋友話我知滿左,今年先到先得,開始幾個鐘就滿左,慳返尐錢可以去玩下個石門.

跑長途可以慢慢跑,中途停下有時間回下氣都仲得,短途要衝住去真係攰到吐血,以前都係跑過7KM,8KM果尐,尾尾辛苦到嘔,10KM好似真係冇跑過,再要嘔埋果兩三KM真係諗起都攰,幾時我都話跑短途辛苦過跑長途.

去完日本又HEA左排,走去跑長課減返尐磅數,近呢兩個星期先跑下運動場,兩三KM咁跑,平時跑開一個鐘8KM,要快返到一個鐘12KM左右,呢個差唔多跑全馬3:40啦,操死我,幾次係運動場跑左6KM就收工.一跑得快雙腳又有尐唔對路,特別係成日轉彎時一係腳板一係膝頭哥,緊緊地就收腳,唔想傷.仲有而家尐運動場既地下膠係咪轉左生產商,好似大陣味左,吸得多就唔舒服.

因為跑運動場想計埋里數,用隻GPS錶,發現跑得快就會計多左,跑6KM多四百米左右,睇返其他記錄,跑慢尐就冇咁既情況,定因為我唔係用跑步模式,謎謎地.

慢跑,比賽完個10KM再練.

快跑,呢個速度已經甩肺orz