香港海岸Mission 1,2

今朝有事甩唔到身,中午過後先出門食飯再去山頂試返自己起既香港海岸Mission, 地鐵去香港島,轉巴士上山頂,港島徑001枝標距柱開始到西高山,一路大部份都有樹蔭,約半個鐘就可以到西高山頂完成,3km都冇.

起步無耐見海影返張,合返個Mission主題嘛.

西高山掃返幾張,駁返張長條.

上西高果陣有個停之類,個卜土係Mission 2起點,上山前唔hack,返轉頭開始埋Mission 2先hack,萬一冇位放hs,落毒再炸有尐煩.Mission2落多過上,不過距離比較長,不過都係得6km左右,唔使跑都係個半鐘行完.

行左個圈返出去

經過見到,應該係外來物種吧.

係呢個位差尐直走左去

南丫島三支香

鴨脷洲

落太多果到行快左都係6.22km/hr,唔使跑,兩個鐘多尐行完Mission 1同2.

香港海岸Mission art

之前行完壹Ⅹ雙尖叁頂,又去起返個mission,起完比人話mission art先夠吸引人去玩,所以就好聴話咁去起左個mission art,就係用個blog個背景圖,原來都好多年前影,近年反而影得差過以前.

2012夏天某日東霸,笨仔畸二百尐,死馬10-20mm,CPL

放左係ingressmm,找香港海岸就可以,自己按能力行,次序為香港島,大嶼山,馬鞍山,西貢最後大埔.

大嶼山可分二至四次行,接駁點有梅窩.伯公坳,石壁,大澳,一次過的話,會比九甲的大嶼縱走更長,不過比效少上落,亦無密林.

天氣涼的話,西貢那幾個應該可以一日完成,原本想出長咀,但那兒接收不良,出到去又hack唔到就吐血.蝻蛇尖一定要上啦,望返四灣個景真係一流.接駁點只有東霸,如果到赤徑,頂埋去黃石吧.

蝻蛇坳例景.

大埔果幾個一日完成都係比較難,接駁位有新娘潭.簡單講就係九龍坑,八仙,上吊燈籠再環湖.吊燈籠睇印洲塘海岸冇理由唔上.黃竹角就唔加啦,加左就點斬都30km,更難一日行完.

路段大約位置

壹Ⅹ雙尖叁頂

7月1日趕唔到出發,7月2日補返數,揾左個火星人陪走,佢7月1日已經走左麥3,4加衛徑共35km,今日仲肯陪我50km真係唔話得.8點半元朗行去小巴站,附近食早餐,啱啱好避左一場雨,坐35小巴入到尖鼻咀,10點出發.

落車個天好清,見到對面.

去警局門口開始.

起步地面尐水蒸返上泥,好耐冇咁熱玩咁長,一路走一路諗咩位可以食糖水(可惜最後都食唔到),唔見糖水就去7仔買飲品頂住,一日計落飲左好多野,雪碧500ml,C++500ml,菊花茶500mlx2,可樂x1罐,菠蘿特飲(唔記得名)500ml+1.5L水.

走朗屏,元朗,石岡,轉入甲龍林徑上荃錦坳,揾蓮姐食杯麵飲C++,入水750ml加外帶支菊花茶.個杯麵差尐都冇胃口食.

大帽有零星白合開花,一路到草山都見有

好彩一路上都陰陰地,個人係就爆邊緣.

cp1大波波

落山都見到好遠,見到起步位.

落都差尐跑唔到,行下跑下,鉛礦坳問朋友食返粒鹽糖先好返少少,之後上cp2草山.

落少少係標距柱134對面路行到去電線塔,手指右邊舊石就係CP3,x石(唔記得影舊石).

之後CP4針山

草山同X石後又跑下行下去針山腳,慢慢上,朋友完全唔似昨日行左35km再加今日30km,我就謝曬.返城門BBQ場,賣雪糕伯伯仲係到,飲返罐可樂,又問朋友食多粒鹽糖,之後逆走麥6出返大埔道,落深水埗食陳記魚蛋,唔食得辣,小辣都要係咁飲水.

深水埗行返出南昌接深旺道,油麻地,廣東道,跑到吐血都唔夠時間做9個鐘內,過5分鐘先到.

川龍-白石橋-石龍拱-元荃古道

7月1應該去行X石雙尖三頂,但朝早要攪公司事務,只好乖乖做完先出發.去荃灣西坐51巴士上荃錦坳,發現巴士站多左氣水機,正常都係會幫襯蓮姐,行通頂都有機會嘟下既.

一路玩ingress一路行返落川龍.

尐樹生高左,遲尐應該會遮曬.

過對面馬路,見到煤氣柱

一路都好多樹

行一陣就有指示版

之後行落去接返元荃古道

行白石橋接返元荃古道,好似好耐冇行石龍拱果邊,正好天陰,係支標到休左好耐吹風,爽夠先下山返荃灣.落多過上,閒遊10km左右玩左5個幾鐘.

係支標到影