為雷利行雙坳

上星期頭,有朋友話揾人陪行雷利,拿拿聲諗邊到操返轉,之前病左咁耐,操大路安全尐,就諗麥徑,啱啱遇正雙坳有比賽,星期三跑幾km當熱左身,星期六去試下對腳退到咩地步.

上年圖騰比人少到上天花板,今年好左好多,路標又多,食既飲既打氣既都好多,係參加既人好似少左.都算好天氣,天陰多雲高地有風,早過比賽出發,唔使爬頭,冇乜人阻,係我個鼻塞塞唔多順暢.

係雞公山頂見有十卜話頭隊可以個半鐘由起步北潭坳到水浪窩,都唔奇,不過我走少段馬路又早大會25分鐘,所以頭隊果兩個都要去到基維爾先追到泥,之後就沙田坳先有多幾個追到.

雖然唔鐘意沙田坳間士多賣野飲賣得貴,但仍然係會乖乖地買豆腐花食.

夜晚呢個位好靚

好多義工同食物飲品

唔係比賽參加者,城門十卜就要靠雪糕車.其實有朋友係義工,想飲飽食醉冇難度,不過事後先知.

到草山頂,對腳抽抽地,睇住時間,要過十個鐘.

收太陽,但係對腳都抽曬筋,上波波條斜抽到爬係地企唔到,最後超時過左十五分鐘先到荃錦坳.

好彩有操長課,今個星期雷利陪走,城門到九龍坑山頂(約18km,3hr15min),一功成身退回程就想抽,好彩冇話陪遠尐.火星人朋友亦順利完成得獎,可喜可賀.