開始比人玩......
落富安花園坐車途中
收拾行李個地好濕,不過好彩冇雨,個營濕都預左,除非等到中午,唔係個營都唔使止意會乾.到富安花園買早餐,糧餉,等車,不過架巴士就好耐先有,到城隧再轉車,到見到朋友兩父子已經遲左好多orz.個Mission由出名出伏Mission既m先生出品,係得個大埔大爆走正常尐,其他都總有尐伏位.
逆走杯靈雙渡起點唔係靈渡寺,係條村到(又入村,唉,好彩唔使玩狗),結尾係蝴蝶灣,明明多數人都係行青山寺做杯靈雙渡,佢個Mission硬係要青蝶脊落(好彩唔係青蝶左崖),又明明青山寺多卜土......
去到靈渡寺揾路上山,唔知點解有兩隻狗仔跟住我地上,諗住行一陣兩隻野會返轉頭,點知一跟就跟左幾個山頭.
靈渡寺
兩隻陪操山既狗仔
大部份時間都有霧
深圳灣大橋
一路行就一路問人有冇見過兩隻狗,奇在兩隻野又好似知方向,知我地向邊行咁喎,中午係山到大休,壕朋友開爐煲水沖茶煮飯(沖熱水煮飯XD),分左尐比兩隻野食.最後行到良景坳終於有人話見過兩隻野,之後佢地都冇再跟,應該真係返到佢地大本營,下次唔好咁貪玩啦,玩到幾個山頭咁遠.
我地係良景坳入返尐水,再上青山,係上山同有霧啫,行多左少少,寶寶有尐腳痛,又開始入黑,好彩都好快到青山頂可以落山.
青山副峰
青山落石級去青山寺
青山寺
回頭是岸,但我地係上面落泥......
好似好正常呢,妖,佢老尾,個mission唔係落青山寺呀,係青蝶脊,青蝶脊,青蝶脊呀......入黑啦,寶寶又有尐傷,仲青蝶脊咩,仲要去龍門路,龍門路咪龍門路囉,有問題咩,龍門路係支標呀,成日係山頂見果尐標呀,係呀,入黑仲要去支標呀,地圖冇明路,明明青山寺一堆卜土,偏偏唔用果堆卜土做mission,要用支標!!!安全計就當然行大路落山啦,之後就由馬路再上返支標到,不過已經係一個星期之後既事,因為入黑,個入口又變左地盤,唉.....
馬路邊入口
上一陣已經工地樣
上面係支標
行返落地盤
又出返馬路.
第二個星期一個人去做埋剩餘果尐.日光日白就易好多啦,馬路邊入口向上行,見差唔多就打橫,跟住就到,落返地盤,唔比入啫,比出既,半個鐘都唔使就攪掂,我都想就咁攪掂,仲有呀,落蝴蝶灣公園仲要玩,個mission又陰濕,一尾一頭要cap/upgrade,冇彈炸又或者已經g8就杯具,妖那星,有粒b6,我冇彈(人懶乜都冇:P),毒左佢,接住呢,又係cap/upgrade,cap咩啫,已經係我毒既,upgrade咩啫,8腳7腳6腳全都係我名,真心想捉m先生出泥鞭.唯有去食個午餐先,食飽啱啱好有對家呢打,再有lss幫忙變做g1,呢尐先係人嘛,之後好快就攪掂啦.
