大會分普通組同精英組,精英組上埋龍脊同限時10個鐘,普通組唔使上龍脊同限時12個鐘.分三個時間起步,我同朋友8點起步,唔急慢慢跑,朋友識路,我得個跟字.都唔使好辛苦,不過一個人真係冇乜興趣咁跑法,
好多人,大會應該冇伸請咩活動之類,有尐位經過有保安之類會影我地.
開始冇耐已經有人走錯路,不過知個CP係邊,有好多中途唔同路但係CP出現返既人.大會指示真係麻麻,有時冇,有時有指等於冇指,有時過左分差口,走啱路先會見到指示牌,即係走錯左都唔會知,知錯果陣可能已經太遲.近CP都有義工(貼義工相既話參加者應該會倍增),但中途真係要有人識路或睇實個GPX.唔係比賽都可以唔使跟足既,就算係比賽都未必跟足啦XD.
龍脊分上下路
跑左5個幾鐘到赤柱,食左先,再去CP都係用左6個鐘左右,仲差約20km,用多3個鐘左右攪掂,中途仲可以停下休下影相.赤柱之後既路好多都係沿海散步徑之類,一條都未行過,幾好跑,有海風又有海景睇.
我都係第一次去數碼港
尾尾幾km睇好近,跑就好遠,要過馬路上天穚,都冇乜力衝,保持唔停咁走但都係過左9個鐘先返到終點.
