因為種種原因,總之就係冇乜出門,公司又好,黑警又好,天氣好好,攪到好耐都冇運動,屋企有做下HIIT之類,但應該做得唔夠多,體重有升冇降,久唔久一次都係跑得廿幾K就收檔.
係屋企屈得多最易出事就係敗家啦,最新項目就係BA AXL Air睡墊,又輕又減價,仲買左件風褸,DWR防水但又冇補縫隙位,即係唔防水,不過有帽同夠輕就當秋天專用.
今次主要都係試個BA睡墊,件風褸仲未用得着,近期都係去尐咀到露,夜晚都未使用Liner.未出發前已經試過係屋企用,即刻發現唔少麻煩位.係佢個充氣咀唔大路,我估除左BA充氣袋之外冇咩可以快速方便充到個睡墊,冇常見果尐電動充氣揼,唔知尐咀有冇啱使.佢個放氣方法要自己插個蓋入個洞到,放氣慢尐,用開STS果個一打開塊野就攪掂,即刻可以摺疊卷卷卷,一路卷一路排曬尾尾尐氣.
最後充氣方法唔係去買BA個充氣袋,而係用STS個充氣袋(STS果個好用超多)加個穿左洞既軟水樽蓋,好奇怪但充到,雖然效率唔高,但唔使錢,更加唔想因為個BA睡墊又要用多幾十美金去買BA個充氣袋,BA個初代充氣袋都好多負評,痴線咁多XD,第二代要3X美金,第三代4X美金,我特買個睡墊都唔使55美金,說服唔到自己買佢個充氣袋.
覺得值得買既情況就係佢真係夠細同輕同特價$v$,換左佢之後即刻可以慳唔少位.轉左用金仔,帶Liner,鈦煲加酒精煮飯加即食咖哩做晚餐,其他早午餐食餅干.長咀來回北潭坳,中午出發中午行完,全部夠塞到入個14L背囊,唔計水唔使4kg,想減埋對pole,又可以減300g左右.
唔記得係米粉頂定東灣山.
行到日落都未到長咀
夜晚近30度,最'凍'果陣都有26,7度
朝早起身上山打電話揾人做公司野.
