未有時間露營,過埋今個星期先再諗,本來上網敗家收左手,但係又為左露營煮飯食,去日本亞馬遜敗家,香港都有貨,不過唔係到到有,想買既又未必齊,都係網購最方便.之前都試過露營煮飯食,煮飯神器嘛,加酒精爐.之後就諗用鈦煲得唔得?上網揾資料係得既,但個煮法係CLS咁煩,我覺得冇人會咁做,個做法就係不斷攪,另一種做法就係鈦金屬煮飯煲,強國品牌有售,但個重量我不如帶返Trangia Mess,又唔平又大件.
結果係有人話鈦煲都得既,不過要浸耐尐,一係焗耐尐,我有另一個諗法,就係煲耐尐.浸耐尐或焗耐尐係為左尐米可以夠熟,點解唔直接煲耐尐呢,因為鈦煲易燶,尐飯會一尐燶一尐唔熟.我諗到既解決方法就係再弱尐火,再分散尐,咁就唔會咁易燶同半生熟飯.
又要講返敗家買左咩返來,一個係可以放酒精既細細膠"樽",evernew570鈦煲同個套,我嚴原裝蓋太重,用Belmont鈦蓋,一乜米160g,8oz水,冇浸得耐,雙爐頭各10ml酒精開火煮,蓋頂放罐吞拿魚(罐頭打開少少),過左8分鐘轉90度13分半左右燒曬酒精,放返入evernew570鈦煲套,等20分鐘就食,飯冇燶,個煲燶一個細點,下次早尐轉90度可能好尐,個煲套有尐保温作用,正好用泥焗飯.水浸吞拿魚罐送送飯麻麻,我估都係茄汁沙丁魚好味尐.
55g(evernew570鈦煲)+26g(Belmont鈦蓋)+20g(雙爐頭酒精爐連細量杯)+38g(煲套)+11g(膠"樽")+5g(g(風擋)=155g,未計打火機(15g)同酒精.
沒有留言:
張貼留言