再試腳

唔跑唔知隻腳好,係健復期間,隻腳無痛又唔等同好返,之前跑兩k 就覺得條筋緊,到星期六再試已經好好多,跑了七k 才開始緊,之後就停下行下慢跑下,兩個半鐘跑廿k.

星期日隻腳冇大異樣,雖然未完全康復,但應該可以跑到就出門,打算腳痛就行回家.結果比星期六還好一點,跑了十k才開始覺得腳板底筋拉緊,又行下跑下回家,未夠兩個半鐘已經跑了個半馬,還有時間去買早餐回家.

今日返工又緊緊地,但又無痛,感覺就是拉筋就覺得痛平時無痛的程度,又休幾日看看隻腳什麼反應,希望只是條筋攰而不是傷,有望今個週末完全康復可以長課操山.