左跑右跑

最近的星期六日忙搬屋,越搬越高,離青系站越來越遠(悲),整個星期都似走難,由朝到黑收拾行裝,連繼兩晚執到零晨兩三點,第二朝返工真係半釣魚狀態.

昨天搬家後終於安定下來,可以做下運動,一直以來夜跑習慣都是樓下最近馬路之後沿路跑圈,以前住近碼頭就跑海傍,全平路來回跑,現在越住越高,斜路越長,搬到對面屋苑後轉了另一個圈跑.之前已經有條斜路可以跑,半夜車不多,廢氣還不及二手煙可惡,除了巴士站附近空氣質素比較差外,其他位署即使跑到哮喘都不會吸廢氣/二手煙中毒死.

之前一個圈約2.9km,二至三個就收工.

搬家後跑一路之隔的大圈,一個圈約3.5km,但空氣質素比較差,同時近大黃下村比較多人放狗,中地雷的機會也較多,但斜路没有之前個圈那麼急,就得對腳又唔就得個肺.

如果跑多幾次都覺得空氣差就一係加長距離跑出荃灣西,一係跑返之前個圈,不過重中之重都係買返對跑鞋先.