七藏溝(四)

原本第四日行好短,第五日都係山上過,但係進度良好就一日行兩日,約18km,大部都係落山,尾尾先要上山,腳傷隊員好似又正常返,先頭部隊休息時就追到.

第四日亦上到最高點,4300m,比上年個丫口矮600m,易行好多,多數人都冇頭痛,不過都係有隊員高反嘔左,要辛苦團長留後照顧.過往行台灣四千以下的高山都没有高反,加埋今次都冇事,估計自己高反高低約4500m左右.

剛好暖流經過,天氣陰暗但唔太凍,丫位積雪不多.

翡翠海子,營地附近,但天陰陰,冇睇頭.

之後就只有下山,一下子就到原本定下的營地,知到餘下路段都是繼續落山,就同馬夫講繼續行,

唔使扎營,一日行到出去.個馬夫就話馬攰,而而哦哦,叫我地出個價,最後行四日我地都比足五日錢,再加多百五,佢開少日工,仲可以收足有突.我地按埋計數機佢睇,但最後出到去仲而而哦哦,想我地比多尐咁,好難囉.

尾尾一段近九黃機場,金黃一片,可惜陽光時有時冇.

尾段個馬夫又講到自己好好人會係分差口等我地,應等又唔等,到真係唔知佢同尐馬走左邊條路果陣就人影都冇,攪左好耐先見返佢已經走到好遠.當晚入黑我地仲係果到附近食晚飯,等食果陣就開始行雷閃電落大雨,各人都話好彩唔使扎營.