Kit 姐有日係group 到post 件風褸圖，睇落幾靚，家明一百完賽限定，比賽仲有得報名，千三蚊，都未算太貴，未玩過有得諗。拿拿聲報名，報完再諗下相關印象，好似有尐伏喎，妖，又係九龍五十貓尐FD，可一不可再，玩一次就不了。
太遲發現，成日諗住一百km慢慢行總會行得完，而家尐比賽越來越變態，以前上落四千有交易，而家五千起，家明呢個寫八千(由GPX讀出泥)，wtf，冇眼睇。
報名完果個星期六即刻揾人一齊試下路先，尐路行過曬但連續行上上落落又唔同計法。以前比賽都冇用Pole ，今次真係要破例，平時支Pole 用泥起營或拆蜘蛛網，今次上山落山都攞泥督，督到虎口都磨到出水泡，之後先醒返起應該點揸Pole。試左城門到粉嶺一段，有用Pole 對腳係冇咁攰，對手就有尐攰，byebye肉個位緊緊地，手指都有尐緊。果日好天行都覺得落雷公田跣跣地，心諗比賽果日落雨就死火啦，點知......
之後就去左台灣上山，行百岳當高地訓練，有負重有練Pole，順便消下脂，返香港過幾日就比賽。由台灣落山之後就開始日日有雨，到比賽果日都仲係落下停下咁，冇眼睇，打定輸數，限時完成都當贏。去台灣上過三千米行左幾日係好尐，好似弭氧少尐，上山落山都負重，四頭肌都好似好左尐，加埋習慣用對Pole用得多，手都順尐。
家明一百下午兩點起步，限時三十個鐘，隊長之前玩過，話最大問題係CP5路程一半多尐，包左最高位，最跣位(s)，cut off時間就一半少尐得12個鐘。唔夠快就冇得玩，快過頭又怕冇力玩後50，不過最大問題都係快唔快到。
比賽係太和開始，起點終點都一樣係個斜路盡頭。諗住正常速度就好，有平路就慢跑，落斜有得快尐就快尐都唔衝，上就用Pole一下一下督上去。朝早食左兩個飯團,起步前再食兩個飯團，上足電先。一早報到但起步企後面，唔同人爭，起跑慢慢來，半春圓就已經上斜，除褸督Pole上，好多人都知要留力，冇衝住去。上完又落落完又上返鉛礦坳，有義工指上草山，見到有馬騮想搶食物，不過唔成功。上完草山又落，落完又上返針山，城門終於有得食大會，飲水食蛋糕同袋左隻蕉走，去金山唔使上好多有得慢跑下，到左走私坳又返城門BBQ場，轉左，可以跑一段先上樓梯。
見到有人差尐走過左冇轉上蝴蝶園，叫返轉頭，之後龍門郊遊徑上川龍。上左陣就開始有雨，停低着返件褸比好多人過，見到第一個棄賽參加者返轉頭。上到荃錦坳有蓮姐燒賣魚蛋，好味呀，加埋食左十幾粒呱，應該唔過廿粒，再去個洗手間先再出發。啱啱好有人可以跟，有男有女，男既先，跟住個馬尾，最後到我，參加者差距開始大，我之後冇人，咁前面幾快就幾快，好彩跟到，而家尐馬尾真係勁，唔係天雨路滑可能已經海放左我，落雷公田，落落下個男既都慢左，咁我繼續跟馬尾，跟到追到再前面既參加者，又過多幾個，落到近石屎路先分開，上返荃錦坳果陣隻鞋有野吉住吉住停低整但又揾唔到咩吉我隻腳，唔知個馬尾有冇過我頭。
上返到大帽山遊客中心冇燒賣魚蛋得蛋糕冇咁開心，不過見到山友吹左幾句，話之後粉嶺見，跳得有尐遠喎，唔知有冇機會見到。之後都係跟人上大帽，慢慢上跑下幾步咁落，今次大帽山算好相與，平時山下面雨粉粉，上面已經打風咁，今次上面都係得雨粉粉。到四方停落山去梧桐寨又遇返尐泥漿，一腳踩落去就到腳眼，仲要滑你半個鞋位，好想讚自己有帶Pole，同時真心覺得唔用Pole既好CLS。
我見梧桐寨尐人好趕咁走左去，我就唔理咁多，食野先，仲有三個鐘時間去粉嶺，唔使三個鐘呱。坐低食兩隻蕉，仲有薯片，再食粥，好味呀，有粥落肚好開心，再入返尐水先走人。上山前又見有人棄賽等巴士。上山過幾個，之後小小上上落落，過左一半就多爛泥，落粉嶺果條樓梯明明有木板都係要小心咁落，有幾次都差尐跣低，比想像中煩好多，比預計慢左半個鐘，到CP5以為得返半個鐘時間就夠鐘閂門，點知大會加左兩個鐘，之後果個CP都有加。諗住休陣換衫，但又唔係咁攰，一停得耐又凍，都係食食食就閃人，DROG BAG都冇攞。個山友唔見左，應該我太慢，佢已經閃左人。
有人跟就跟，跟到龍山上少少就跟唔到，太跣，對美津濃跣都好正常，讓比追到上泥既人過先，又見返之前跟開果個馬尾，好似係，認得條尾，短尾，仲有對鞋加支少女色既POLE。上山就快比佢追到果陣就落山，一落就拉返開距離，直到有石屎路，又比佢追過左，但係就到新屋仔前佢去左洗手間，之後就唔見佢。新屋仔個CP冇咩特別好野食，食烏東，蛋糕，橙同休息陣，攞多隻蕉走人。諗返起九龍五十貓果次苦況，儲夠力先上。落完南涌郊遊徑要接返衛徑上就開始有尐謝，不過都好過上次，最少今次冇咁餓。粉嶺唔見果個山友竟然係降下坳見返，叫我快尐走唔好休咁耐XD，唔理佢食返個粥，有返尐精神先，問有冇咖啡，冇，已經好多人問，所以尐義工都秒答，但我好想飲呀Orz
比人吹，自己一個起步冇跟人，向前追，但都有段距離，追唔到前面果個，反而後面果個追返上泥仲過埋我，直到近谷埔先見返幾個參加者，啊，又見返個短馬尾，真係有緣，當然冇咁講啦XD，今次加多兩個人一齊，一男兩女咁行。短馬尾明顯慢左，又到左新娘潭路，我到左一陣，佢地都到。
見到另一山友做義工，今次正呀，有糖水，私伙既，回返好多生命值，食左唔係好多野，但攞走幾舊薯仔，一路行一路食，短馬尾三人早過我出發，不過到仙菇腳前就過左佢地，慢慢上仙菇，到橫嶺時都頂唔順要坐低休左陣食薯仔，去到就落鶴藪見到以前隊友，佢住大埔，得閒上山操一轉，估唔到真係撞到我，今次真係遇到幾多唔係落場比賽既山友。落鶴藪前又休多陣先落果堆樓梯級，去到最後一個CP又開始大雨，揾位避下雨先，又比人叫住，估唔到臨尾都再遇多個山友。食烏東食返多尐作最後衝刺，順口問句有冇咖啡，義工再次秒答，冇，算啦都冇咩希望過Orz，轉頭朋友話係咪要呀，有最後一包私伙即沖，嘩，有神光呀，即答要呀要呀，另一個參加者都話要，問可唔可以分尐比佢，我要一啖就夠，真係夠我衝到終點。休緊果陣見到短馬尾男性朋友一個到先，話短馬尾甩左一隻隱形眼鏡所以行慢左，噢，可惜，正常佢應該快過我。
最後真係衝，上山過左幾個落山又過幾個(不過係CP9休果時好多人過左我)，計落用左一個鐘20分左右由CP9返到終點，落山都衝到腳軟，好彩山腳近終點，再遠尐就頂唔順，啱啱好24個鐘內完成，不過22至26個鐘都係銅牌，24個鐘都係自HIGH用，吹水一日內完成既啫XD
下面由大會複製:
全程攀升6770米(ITRA計出泥)全長104.7公里。
455人報名，414人落場，159人DNF，1人DQ，254人完成。
報名人士完成率55.82%，較去年57.35%低一些。
今屆男子總冠軍由五金(鄧晨金)以16小時23分奪得。
而女子總冠軍則由Winnie Chiu 以19小時05分奪得。
金章人數(18小時內) : 9人 銀章人數(18-22小時) : 53人 銅章人數(22-26小時) : 85人
風褸實際樣:
之後就去左台灣上山，行百岳當高地訓練，有負重有練Pole，順便消下脂，返香港過幾日就比賽。由台灣落山之後就開始日日有雨，到比賽果日都仲係落下停下咁，冇眼睇，打定輸數，限時完成都當贏。去台灣上過三千米行左幾日係好尐，好似弭氧少尐，上山落山都負重，四頭肌都好似好左尐，加埋習慣用對Pole用得多，手都順尐。
家明一百下午兩點起步，限時三十個鐘，隊長之前玩過，話最大問題係CP5路程一半多尐，包左最高位，最跣位(s)，cut off時間就一半少尐得12個鐘。唔夠快就冇得玩，快過頭又怕冇力玩後50，不過最大問題都係快唔快到。
比賽係太和開始，起點終點都一樣係個斜路盡頭。諗住正常速度就好，有平路就慢跑，落斜有得快尐就快尐都唔衝，上就用Pole一下一下督上去。朝早食左兩個飯團,起步前再食兩個飯團，上足電先。一早報到但起步企後面，唔同人爭，起跑慢慢來，半春圓就已經上斜，除褸督Pole上，好多人都知要留力，冇衝住去。上完又落落完又上返鉛礦坳，有義工指上草山，見到有馬騮想搶食物，不過唔成功。上完草山又落，落完又上返針山，城門終於有得食大會，飲水食蛋糕同袋左隻蕉走，去金山唔使上好多有得慢跑下，到左走私坳又返城門BBQ場，轉左，可以跑一段先上樓梯。
仲有咩好講= ="...
見到有人差尐走過左冇轉上蝴蝶園，叫返轉頭，之後龍門郊遊徑上川龍。上左陣就開始有雨，停低着返件褸比好多人過，見到第一個棄賽參加者返轉頭。上到荃錦坳有蓮姐燒賣魚蛋，好味呀，加埋食左十幾粒呱，應該唔過廿粒，再去個洗手間先再出發。啱啱好有人可以跟，有男有女，男既先，跟住個馬尾，最後到我，參加者差距開始大，我之後冇人，咁前面幾快就幾快，好彩跟到，而家尐馬尾真係勁，唔係天雨路滑可能已經海放左我，落雷公田，落落下個男既都慢左，咁我繼續跟馬尾，跟到追到再前面既參加者，又過多幾個，落到近石屎路先分開，上返荃錦坳果陣隻鞋有野吉住吉住停低整但又揾唔到咩吉我隻腳，唔知個馬尾有冇過我頭。
上返到大帽山遊客中心冇燒賣魚蛋得蛋糕冇咁開心，不過見到山友吹左幾句，話之後粉嶺見，跳得有尐遠喎，唔知有冇機會見到。之後都係跟人上大帽，慢慢上跑下幾步咁落，今次大帽山算好相與，平時山下面雨粉粉，上面已經打風咁，今次上面都係得雨粉粉。到四方停落山去梧桐寨又遇返尐泥漿，一腳踩落去就到腳眼，仲要滑你半個鞋位，好想讚自己有帶Pole，同時真心覺得唔用Pole既好CLS。
我見梧桐寨尐人好趕咁走左去，我就唔理咁多，食野先，仲有三個鐘時間去粉嶺，唔使三個鐘呱。坐低食兩隻蕉，仲有薯片，再食粥，好味呀，有粥落肚好開心，再入返尐水先走人。上山前又見有人棄賽等巴士。上山過幾個，之後小小上上落落，過左一半就多爛泥，落粉嶺果條樓梯明明有木板都係要小心咁落，有幾次都差尐跣低，比想像中煩好多，比預計慢左半個鐘，到CP5以為得返半個鐘時間就夠鐘閂門，點知大會加左兩個鐘，之後果個CP都有加。諗住休陣換衫，但又唔係咁攰，一停得耐又凍，都係食食食就閃人，DROG BAG都冇攞。個山友唔見左，應該我太慢，佢已經閃左人。
有人跟就跟，跟到龍山上少少就跟唔到，太跣，對美津濃跣都好正常，讓比追到上泥既人過先，又見返之前跟開果個馬尾，好似係，認得條尾，短尾，仲有對鞋加支少女色既POLE。上山就快比佢追到果陣就落山，一落就拉返開距離，直到有石屎路，又比佢追過左，但係就到新屋仔前佢去左洗手間，之後就唔見佢。新屋仔個CP冇咩特別好野食，食烏東，蛋糕，橙同休息陣，攞多隻蕉走人。諗返起九龍五十貓果次苦況，儲夠力先上。落完南涌郊遊徑要接返衛徑上就開始有尐謝，不過都好過上次，最少今次冇咁餓。粉嶺唔見果個山友竟然係降下坳見返，叫我快尐走唔好休咁耐XD，唔理佢食返個粥，有返尐精神先，問有冇咖啡，冇，已經好多人問，所以尐義工都秒答，但我好想飲呀Orz
落龍山跣左下,件防水褸就攪成咁T_T
已經係洗左之後影 :(
比人吹，自己一個起步冇跟人，向前追，但都有段距離，追唔到前面果個，反而後面果個追返上泥仲過埋我，直到近谷埔先見返幾個參加者，啊，又見返個短馬尾，真係有緣，當然冇咁講啦XD，今次加多兩個人一齊，一男兩女咁行。短馬尾明顯慢左，又到左新娘潭路，我到左一陣，佢地都到。
見到另一山友做義工，今次正呀，有糖水，私伙既，回返好多生命值，食左唔係好多野，但攞走幾舊薯仔，一路行一路食，短馬尾三人早過我出發，不過到仙菇腳前就過左佢地，慢慢上仙菇，到橫嶺時都頂唔順要坐低休左陣食薯仔，去到就落鶴藪見到以前隊友，佢住大埔，得閒上山操一轉，估唔到真係撞到我，今次真係遇到幾多唔係落場比賽既山友。落鶴藪前又休多陣先落果堆樓梯級，去到最後一個CP又開始大雨，揾位避下雨先，又比人叫住，估唔到臨尾都再遇多個山友。食烏東食返多尐作最後衝刺，順口問句有冇咖啡，義工再次秒答，冇，算啦都冇咩希望過Orz，轉頭朋友話係咪要呀，有最後一包私伙即沖，嘩，有神光呀，即答要呀要呀，另一個參加者都話要，問可唔可以分尐比佢，我要一啖就夠，真係夠我衝到終點。休緊果陣見到短馬尾男性朋友一個到先，話短馬尾甩左一隻隱形眼鏡所以行慢左，噢，可惜，正常佢應該快過我。
係八仙睇雲海好正
最後真係衝，上山過左幾個落山又過幾個(不過係CP9休果時好多人過左我)，計落用左一個鐘20分左右由CP9返到終點，落山都衝到腳軟，好彩山腳近終點，再遠尐就頂唔順，啱啱好24個鐘內完成，不過22至26個鐘都係銅牌，24個鐘都係自HIGH用，吹水一日內完成既啫XD
下面由大會複製:
全程攀升6770米(ITRA計出泥)全長104.7公里。
455人報名，414人落場，159人DNF，1人DQ，254人完成。
報名人士完成率55.82%，較去年57.35%低一些。
今屆男子總冠軍由五金(鄧晨金)以16小時23分奪得。
而女子總冠軍則由Winnie Chiu 以19小時05分奪得。
金章人數(18小時內) : 9人 銀章人數(18-22小時) : 53人 銅章人數(22-26小時) : 85人
風褸實際樣:
着開M碼，但係呢件着得到旭唔到，要L碼先啱Orz
沒有留言:
張貼留言